اتالعان كوماندالار اراسىنداعى العاشقى ويىن وتە قىزىقتى ءوتىپ, «شاحتەر» 5:2 ەسەبىمەن جەڭىسكە جەتكەن ەدى. قوستانايدا دا كەنشىلەر قالاسىنان كەلگەن جىگىتتەر وزدەرىنىڭ مىقتىلىعىن مويىنداتىپ, الاڭ يەلەرىنىڭ قاقپاسىنا جاۋاپسىز ەكى گول سوقتى: 35-مينۋتتا پاۆەل نازارەنكو نىسانانى ءدال كوزدەسە, اراعا ءتورت مينۋت سالىپ مارتين توشەۆ دوپتى توردا تۋلاتتى. ەسەپ – 0:2. ودان كەيىن ەكى كوماندا تاراپىنان بىرنەشە قاۋىپتى شابۋىلدار ۇيىمداستىرىلعانىمەن, تابلوداعى ەسەپ وزگەرىسسىز قالدى.
وسىنىڭ الدىنداعى ەكى كەزدەسۋدىڭ قورىتىندىسى بويىنشا «قايرات» «استانانىڭ» تاس-تالقانىن شىعارعانى بەلگىلى. ەسەپ – 6:0. مىنە, ەندى «شاحتەر» جەڭىسكە جەتىپ وتىر. ءسويتىپ, قازاقستان كۋبوگىنىڭ فينالدىق سايىسى قاراعاندىلىقتار مەن الماتىلىقتار اراسىندا وتەدى.
