پارسى شىعاناعىندا وتانداستارىمىز ءتاۋىر ونەر كورسەتتى. تەك جارتىلاي فينالدا عانا سۇرىنگەن سپورتشىلارىمىز ءۇشىنشى ورىن ءۇشىن تۇركيا قۇراماسىمەن كۇش سىناستى. شەشۋشى تۇستا دانيار يۋلداشەۆ, نۇرقانات ءاجىحانوۆ جانە نۇرنياز ەلداشەۆ جەڭىسكە جەتسە, بەيبارىس جاڭبىرباي ءوز قارسىلاسىنا ەسە جىبەردى. ال يگور چيحمارەۆتىڭ جەكپە-جەگىندە تەڭ ەسەپ تىركەلدى. وسىلايشا, قازاقستان كاراتەشىلەرىنىڭ قورجىنى تاعى ءبىر قولا مەدالمەن تولىقتى. ەستەرىڭىزگە سالا كەتەيىك, بۇعان دەيىن نۇرقانات ءاجىحانوۆ پەن سوفيا بەرۋلتسەۆا ءوز سالماقتارى بويىنشا ءدال سول مەجەگە جەتكەن.
ءيا, الەم چەمپيوناتتارىنىڭ جەكەلەگەن سايىستارىندا تالاي جەرلەسىمىزدىڭ جاسىنداي جارقىلداپ, جەڭىس تۇعىرىنا كوتەرىلگەنىن كوزىمىز كوردى. بىراق كوماندالىق دودادا ەشۋاقىتتا جۇلدەلى ورىنعا يەلىك ەتە الماعان ەدىك. بۇل جولى اسىعىمىز الشىسىنان ءتۇستى.
