اقتاۋدا ەسەپشىلەرگە ايىپپۇل سالىندى

ماڭعىستاۋ وبلىسىنىڭ اقتاۋ قالاسىندا بيىل اليمەنتتى ۋاقىتىلى ەسەپ-شوتقا اۋدارماعان 13 ەسەپشىگە ايىپپۇل سالىندى. بۇل تۋرالى «حابار» تەلەارناسى حابارلادى. سوت ورىنداۋشىلارىنىڭ ايتۋىنشا, ەسەپشىلەردىڭ بىرقاتارى ءوز جۇمىسكەرلەرىن جاسىرعان. ءتىپتى ولاردىڭ جۇمىستان شىعىپ كەتكەنىن ءتيىستى ورىنعا حابارلاماعان كورىنەدى. جالپى, اقتاۋ قالاسىندا تۋعان بالاسىنان بەزىپ, اليمەنت تولەمەي جۇرگەن 5 مىڭعا جۋىق اكە بار ەكەن. سونىڭ سالدارىنان بەيكۇنا سابيلەر زارداپ شەگۋدە. ال وتكەن جىلى بورىشكەرلەردىڭ جالاقىسىنان اي سايىن اليمەنت تولەمدەرىن ۇستاۋعا ق ۇلىقسىزدىق تانىتقان 40 ەسەپشى اكىمشىلىك جاۋاپكەرشىلىككە تارتىلعان. «كەدەن دەپارتامەنتىنىڭ ەسەپ ءبولىمى بورىشكەردىڭ جۇمىستان شىعىپ كەتكەنىن سوت ورىنداۋشىلارىنا حابارلاماعان جانە اتقارۋ قۇجاتىن ءتيىستى ورىنعا ءبىر اي مەرزىم ىشىندە قايتارماعان. وسىعان بايلانىستى ەسەپ بولىمىندەگى جاۋاپتى تۇلعا اكىمشىلىك جاۋاپكەرشىلىككە تارتىلدى», - دەيدى وبلىستىق سوت اكتىلەرىن ورىنداۋ دەپارتامەنتى اليمەنت ءوندىرۋ ءبولىمىنىڭ باسشىسى ءمولدىر قۋانوۆا. ءامىرحان الماعانبەتوۆ. دەرەككوز: «حابار» تەلەارناسى. فوتو: 1Tv.ru.