نۇر-سۇلتان قالاسى پد ەسىرتكى قىلمىسىنا قارسى ءىس-قيمىل بولىمشەسىنىڭ جەدەل قىزمەتكەرلەرى Telegram مەسسەندجەرىندە ءتورت جاسىرىن ينتەرنەت-دۇكەننىڭ اكىمشىسى بولعان جانە قالا اۋماعىندا سينتەتيكالىق ەسىرتكىنى ءوزى ساتقان جەرگىلىكتى تۇرعىندى ۇستادى.
Polisia.kz سايتىنىڭ مالىمەتىنشە, كۇدىكتى «رەفلەكس» ارنايى وپەراتسياسى اياسىندا ۇستالعان ادامدار توبىنىڭ الەۋمەتتىك جەلىلەردىڭ بايلانىستارى مەن اككاۋنتتارىن زەردەلەۋ كەزىندە پوليتسيانىڭ نازارىنا ىلىككەن. ۇستالعان كەزدە ودان بەس بانك كارتاسى, ءۇش ۇيالى تەلەفون تاركىلەندى.
ۇستالعان ازاماتتىڭ پاتەرىندەگى سەيفتە مەفەدرون ەسىرتكى زاتى سالىنعان 64 تۇيىنشەك, ساتۋعا دايىندالعان 28 مدما تابلەتكاسى, سونداي-اق ءۇش ەلەكتروندىق تارازى, 10 ملن تەڭگە جانە 23 مىڭ اقش دوللارى سوماسىنداعى قاپتاما ماتەريالى مەن اقشا تابىلدى.
سونىمەن قاتار كراۆتسوۆ كوشەسىندە ەسىرتكى ساتۋشىمەن بايلانىستا بولعان 24 جاستاعى قىز ۇستالدى. ونىڭ جالدامالى پاتەرىنەن وتكىزۋ ءۇشىن دايىندالعان مەفەدروننىڭ 36 ءتۇيىنى مەن ەسىرتكىنى ولشەپ-وراۋعا ارنالعان قۇرىلعىلار تاركىلەندى. ول سەمبينوۆ كوشەسىندەگى ءۇيدىڭ اۋلاسىندا جاساعان بەس بەتبەلگى جويىلدى.
ەلوردالىق ەسىرتكى پوليتسەيلەرىنىڭ جەدەل جۇمىسىنىڭ ناتيجەسىندە قالا اۋماعىندا ەسىرتكى ساتاتىن ءتورت ينتەرنەت-دۇكەننىڭ قىزمەتى انىقتالىپ, جويىلدى. سينتەتيكالىق پسيحوبەلسەندى زات – مەفەدروننىڭ 200-گە جۋىق ءبىر رەتتىك دوزاسى تاركىلەندى.
اتالعان فاكتىلەر بويىنشا قر قك 297-بابى 3-بولىگى «ەسىرتكى زاتتارىن وتكىزۋ ماقساتىندا زاڭسىز دايىنداۋ, ساتىپ الۋ, ساقتاۋ نە ادامدار توبىنىڭ الدىن الا ءسوز بايلاسۋى بويىنشا وتكىزۋ» بويىنشا قىلمىستىق ىستەر قوزعالدى, ول م ۇلىكتىڭ تاركىلەنۋىمەن 10 جىلدان 25 جىلعا دەيىنگى باس بوستاندىعىنان ايىرۋعا قىلمىستىق جاۋاپكەرشىلىكتى كوزدەيدى. ۇستالعاندارعا ەسىرتكى ينتەرنەت-دۇكەندەرىن اكىمشىلەندىرۋ بويىنشا قۇقىقتىق باعا سوتقا دەيىنگى ءىس جۇرگىزۋ بارىسىندا بەرىلەتىن بولادى.
