جاستار – التىن قورىمىز

پرەزيدەنت نۇرسۇلتان نازارباەۆ بارلىق ق­ازاق­ستاندىقتاردى وتا­نى­مىزداعى تۇراقتىلىق پەن دامۋ جولىندا قىز­مەت جاساپ, ەڭبەك ەتۋگە شاقى­رىپ كەلەدى. ەلىمىزدىڭ بولا­شاعى تۇراقتىلىق پەن ەكو­نوميكانىڭ دامۋىنا بايلانىستى ەكەنى دە بەلگىلى. «نۇر وتان» – بيلىك پارتياسى. ساياسي دوكتريناسىندا پارتيانىڭ باستى ماقسات-مىندەتتەرى انىق جازىلعان. بۇل – «قازاقستان-2050» ستراتەگياسىن جۇزەگە اسىرۋدا جانە جالپى ەل دامۋىندا «نۇر وتاننىڭ» ءرولىن انىقتايدى. پرەزيدەنت «قازاقستان-2050» ستراتەگياسى – پارتيالىق باعدارلامانىڭ نەگىزى. ستراتەگيانىڭ ورىندالۋى تەك «نۇر وتان» پارتياسىنىڭ ساياسي كوشباسشىلىعى جاعدايىندا مۇمكىن ەكەندىگىندە ەش كۇمانىم جوق», دەپ اتاپ ءوتتى. ياعني, ەلباسى پارتياعا ۇلكەن سەنىم ارتادى. مەن دە قازاقستاندى وتانىم دەپ رياسىز ساناپ, وسى ەلدە ءومىر ءسۇرىپ, جۇمىس جاساپ جۇرگەن كوپتەگەن ۇلت وكىلدەرىنىڭ ءبىرىمىن. ءوزىم باسقاراتىن ماشينا جاساۋ زاۋىتىندا 400-دەن استام جۇمىسشى ەڭبەك ەتسە, ولار دا ءارتۇرلى ۇلت وكىلدەرىنەن, جاس­تاردان قۇرالعان. كاسىپورىندا ەلباسى تاپسىرعان «جاسىل ەكونوميكا» باعلارلاماسىن ەنگىزۋ جونىندە ءبىرشاما ىستەر جۇزەگە اسۋدا. بۇگىنگى كۇنى زاۋىت مەتالل قۇ­رىل­عىلارى مەن ءارتۇرلى تەحنو­لوگيالىق ماقساتتاعى جۇك كو­تەر­گىش جابدىقتاردى شىعارۋعا ما­مانداندىرىلعان قازىرگى كران تەحنيكاسىنىڭ ۇلكەن مودەلدى قاتارىن ۇسىنادى. «پمز» اق-تىڭ نەگىزگى باعىتى – جۇك كوتەرگىشتىگى 140 تونناعا دەيىنگى كوپىرلى كراندار, 50 تونناعا دەيىنگى تاعاندى كراندار جاساۋ. زاۋىت ونىمدەرىن قايتا وڭدەۋشى, تاۋ-كەن ونەركاسىبى, مۇناي-گاز وڭدەۋشى, مەتاللۋرگيا جانە ونەركاسىپتىڭ باسقا دا سالالارىنا كىرەتىن كاسىپورىندار پايدالانادى. ءبىز, ENRC-دەن باسقا, قازاقستاندا «كازتسينك» جشس, «ارسەلور ميتتال» اق, «قازاقستان تەمىر جولى» ۇك» اق جانە باسقالارىمەن جۇمىس ىستەيمىز. جۋىردا «پمز»اق تەمىرجول ما­شينالارىن جاساۋعا بايلانىس­تى «قتج» اق-تىڭ ءىرى جوباسىنا قاتىستى. وسىلايشا, زاۋىت لوكوموتيۆ, سونداي-اق ەلەكتروۆوز زاۋىتتارىنا ارنالعان كراندار جاساپ شىعاردى. «پمز» اق قازاقستاندا العاشقى بولىپ جولاۋشىلار ۆاگوندارىن ءوندىرۋشى «تۇلپار-تالگو» جشس ءۇشىن جۇك كوتەرگىشتىگى 20 جانە 40 توننالىق بىرەگەي ەكى ترانسبوردەردى دايىندادى. ترانسبوردەر دەگەنىمىز, رەلستى كولىكتى ءبىر جولدان قاتارلاس ەكىنشى جولعا شىعاراتىن ارنايى قۇرال. ولاردى جاساۋ ءۇشىن زاۋىتتىڭ كونسترۋكتورلىق-تەحنولوگيالىق ءبولىم ماماندارى يسپانيادا بولىپ, زاۋىتتىڭ جولاۋشىلار ۆاگوندارىن شىعارۋ جونىندەگى بارلىق تەحنيكاسىمەن تانىستى. سودان باسقا, ماشينا جاساۋ زاۋىتى «تۇلپار-تالگو» جشس ءۇشىن ءارتۇرلى باعىتتاعى 13 جۇك كوتەرگىش كرانداردى جاساپ شىعاردى. ماشينا جاساۋ سالاسىنداعى باسەكەلەستىككە قاراماستان, رە­سەيلىك تاپسىرىس بەرۋشىلەر پاۆلودار ماشينا جاساۋ زاۋىتىن تاڭداپ وتىر. كاسىپورىن «قازاقستاننىڭ ۇزدىك ەكسپور­تەر­لەرى» وتىزدىق تىزىمىنە كىرەدى. ءبىزدىڭ ءونىم سىرتقى نارىقتا باعاسى مەن ساپاسى بويىنشا باسەكەلەستىككە قابىلەتتى ءونىمىن, كەدەن وداعى اياسىندا قازاقستان, رەسەي, بەلارۋسكە وتكىزەدى. زاۋىت ENRC توبى كاسىپورىندارىنىڭ قۇرامىنا ەنەدى. ەلىمىزدىڭ ەكو­نو­ميكالىق الەۋەتىن ارتتىرۋعا ءبىزدىڭ ۇجىم دا ۇلەس قوسۋدا. زاۋىت جۇمىسشىلارى ءوز ەڭبەكتەرىنە عانا سەنەدى. ارينە, جەتىستىكتەر دە, قيىن­دىقتار دا, ءالى قولعا الاتىن جۇ­مىستار دا بارشىلىق. بۇل ءۇشىن وندىرىستەرگە ەلباسى تاراپىنان يننوۆاتسيالىق جانە وزىق تەحنولوگيالار جۇيەسى قاجەت ەكەنى, جەراستى بايلىعىن ۇقساتۋ, وڭدەۋ كاسىپورىندارىن كوبەيتۋ, سىرتقا شيكىزات ەمەس ءونىم شىعارۋعا كوپ كوڭىل ءبولۋ كەرەكتىگى تاپسى­رىلدى. مەملەكەت باسشىسى اتاپ كورسەتكەندەي, بۇگىندە ەلىمىز ءۇشىن تەك قانا ەڭبەك ەتۋ مۇددەسى جانە ەڭبەك ادامىنا دەگەن كوزقاراستى قايتا جاڭعىرتۋ قاجەت بولىپ وتىر. نۇرسۇلتان نازارباەۆ جاس­تارعا ەڭبەك ەتىڭدەر, وقىڭدار دەگەن ءسوزىن ءاردايىم ايتىپ كەلەدى. ەڭبەك جولىن بىزدەر سياقتى وندىرىستەن باستاعان ەلباسى العاش 20 شارشى مەتر پاتەر العانىندا قالاي قۋانعانى تۋرالى ايتقانى بۇگىنگى جاستارعا ۇلگى بولۋى ءتيىس. ەندىگى بولاشاق جاستاردىڭ قولىندا. ءبىزدىڭ زاۋىتتا دا جاستار ەڭبەك ەتۋدە. پرەزيدەنت: «جاستار – بۇل ءبىزدىڭ التىن قورىمىز. ءبىزدىڭ ەلىمىزدە جاسالعاننىڭ بارلىعى دا ەڭ الدىمەن سىزدەرگە جاسالدى جانە ماقسات-مۇراتىمىز, 2050 باعدارلامامىز دا سىزدەر ءۇشىن», دەدى. سوندىقتان زاۋىتتارعا, ءون­دىرىستەرگە جاڭا تەحنولوگيا ءتىلىن بىلەتىن, جاڭا ءوندىرىس سالاسىندا جۇمىس جاساي الاتىن بىلىكتى, ءبىلىمدى مامان جاستار اسا قاجەت. بۇعان قوسا, كەلەسى باس­تى مىندەت – حالقىمىزدىڭ ءبىر­لىگىن ساقتاپ, دامىعان 30 ەلدىڭ قاتا­رىنا قوسىلۋ ءۇشىن ەڭبەك ەتۋ. ال «نۇر وتان» پارتياسى جەر­گىلىكتى جەرلەردەگى وسىنداي ماقساتتى جۇمىستاردى ءتۇسىندىرىپ, قاداعالايتىن بولادى. لەونيد بەلوگريۆىي, «ماشينا جاساۋ زاۋىتىنىڭ» ديرەكتورى, وبلىستىق ءماسليحاتتىڭ دەپۋتاتى. پاۆلودار.