ۇكىمەت باسشىسى جىل باسىندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ بەلگىلەگەن ەاەو-عا قر توراعالىق ەتۋىنىڭ باسىم باعىتتارىن ىسكە اسىرۋ جونىندەگى جۇمىستىڭ تيىمدىلىگىن اتاپ ءوتتى. پرەمەر-مينيستر بيىل ەاەو شەڭبەرىندە ونەركاسىپتىك كووپەراتسيانى جانداندىرۋ بويىنشا ايتارلىقتاي جۇمىس اتقارىلعانىن جەتكىزدى. ءبىرىنشى جارتىجىلدىقتىڭ قورىتىندىسى بويىنشا ەاەو ونەركاسىپتىك ءوندىرىسىنىڭ كولەمى $620 ملرد قۇرادى, بۇل 2020 جىلدىڭ سايكەس كەزەڭىندەگى كورسەتكىشتەن 4,4%-عا جوعارى. ارالىق تاۋارلارمەن ءوزارا ساۋدا كولەمى 40%-عا $20,3 ملرد دەيىن ءوستى.
جىل باسىنان بەرى قازاقستاندا ەاەو-عا مۇشە مەملەكەتتەر بيزنەسىنىڭ قاتىسۋىمەن 1172 جاڭا بىرلەسكەن كاسىپورىن تىركەلگەن (+9%). ۇكىمەت باسشىسى ەاەو اياسىندا ءوزارا ساۋداداعى كەدەرگىلەردى انىقتاۋ جانە جويۋ بويىنشا اتقارىلعان اۋقىمدى جۇمىستى اتاپ ءوتتى. قازىرگى ۋاقىتتا ەاەو ىشكى نارىعىنداعى كەدەرگىلەردىڭ 80%-ى جويىلعان.
ەاەو-داعى ءوزارا ساۋدا كولەمى بيىلعى 9 ايدا $52 ملرد قۇرادى جانە 2020 جىلدىڭ سايكەس كەزەڭىمەن سالىستىرعاندا 32,5%-عا ۇلعايدى. ەاەو-نىڭ ترانزيتتىك-كولىك الەۋەتىن دامىتۋ شەڭبەرىندە بيىل بىرلەستىككە قاتىسۋشى ەلدەردىڭ كولىك كەشەندەرىن ينتەگراتسيالاۋ جونىندەگى ءىس-شارالاردى كوزدەيتىن 2021-2023 جىلدارعا ارنالعان كولىك ساياساتىن ىسكە اسىرۋ جونىندەگى جول كارتاسى بەكىتىلدى. بيىلعى جىلدىڭ 10 ايىندا قازاقستان ارقىلى ورتالىق ازيا, ەۋروپا, قيىر شىعىس باعىتىندا 883,2 مىڭ جفە تاسىمالداندى, بۇل وتكەن جىلدىڭ سايكەس كەزەڭىندەگىدەن 25%-عا ارتىق.
قىتاي – ەۋروپا – قىتاي باعىتىنداعى ترانزيتتىك كونتەينەرلىك تاسىمال كولەمى وسى كەزەڭمەن سالىستىرعاندا 36%-عا ءوسىپ, 604,5 مىڭ جفە قۇرادى. ەاەو ەلدەرىنىڭ تسيفرلاندىرۋداعى جەمىستى ىنتىماقتاستىعىنىڭ مىسالى رەتىندە ا. مامين «تسيفرلىق كولىك دالىزدەرى», «شەكاراسىز جۇمىس» بىرىزدەندىرىلگەن ىزدەۋ جۇيەسى» جوبالارى مەن «COVID-سىز ساياحاتتايمىن» قوسىمشاسىن اتادى. ەكونوميكالىق ينتەگراتسيا سالاسىندا ءتيىمدى قۇرالداردى قۇرۋ بويىنشا جاڭا تسيفرلىق باستامالاردى ىسكە اسىرۋ قاجەتتىگى اتاپ ءوتىلدى.
ا. مامين شەكارا ماڭىنداعى ساۋدا ينفراقۇرىلىمىن دامىتۋ جونىندەگى جۇمىس ەاەو-نىڭ نەگىزگى ساۋدا سەرىكتەستەرىنىڭ ەكونوميكالارىنىڭ دايەكتى قالپىنا كەلۋىمەن قاتار, ەۋرازيالىق ەكونوميكالىق وداقتىڭ سىرتقى ساۋدا كورسەتكىشتەرىنىڭ كۇرت قالپىنا كەلۋ فاكتورىنا اينالعانىن اتاپ ءوتتى.
بيىلعى قاڭتار-قىركۇيەك ايلارىندا ەاەو ەلدەرىنىڭ سىرتقى ساۋدا كولەمى $596 ملرد قۇرادى, بۇل 2020 جىلدىڭ سايكەس كەزەڭىمەن سالىستىرعاندا 32,7%-عا ارتىق. وتىرىسقا قاتىسۋشىلار ەاەو-نىڭ قارا جانە ءتۇستى مەتالدار سىنىقتارى مەن قالدىقتارىنىڭ ورتاق نارىعىنداعى جاعدايدى شەشۋ ءۇشىن ەاەو-عا مۇشە مەملەكەتتەردىڭ مەتاللۋرگيا كاسىپورىندارىن شيكىزاتپەن قامتاماسىز ەتۋ جونىندەگى 2021-2024 جىلدارعا ارنالعان ءىس-شارالار جوسپارىن بەكىتتى.
ەاەو اياسىندا كرەديتتىك تاريح قۇرامىنا كىرەتىن مالىمەتتەرمەن الماسۋ ءتارتىبى تۋرالى كەلىسىمگە قول قويىلدى. قازاقستاندىق تاراپتىڭ سەريالىق ءونىمنىڭ شىعۋ ورنى تۋرالى سەرتيفيكاتتاردى قولدانۋ ءۇشىن تاۋارلار تىزبەسىن كەڭەيتۋ تۋرالى باستاماسى قولداۋ تاپتى. بۇل شەشىم قازاقستاندىق كاسىپورىندارعا اكىمشىلىك شىعىنداردى قىسقارتۋعا مۇمكىندىك بەرەدى.
وتىرىسقا ارمەنيا پرەمەر-ءمينيسترى نيكول پاشينيان, بەلارۋس پرەمەر-ءمينيسترى رومان گولوۆچەنكو, رەسەي پرەمەر-ءمينيسترى ميحايل ميشۋستين, وزبەكستان پرەمەر-ءمينيسترى ابدۋللا اريپوۆ, قىرعىزستان مينيسترلەر كابينەتىنىڭ توراعاسى – پرەزيدەنتى اكىمشىلىگىنىڭ باسشىسى اقىلبەك جاپاروۆ قاتىسىپ, كۋبا پرەمەر-ءمينيسترى كرۋس مانۋەل ماررەرو بەينەۇندەۋ جاسادى. ەرەۆان قالاسىنا جۇمىس ساپارى اياسىندا اسقار مامين رەسەي ۇكىمەتىنىڭ توراعاسى ميحايل ميشۋستينمەن جانە بەلارۋس پرەمەر-ءمينيسترى رومان گولوۆچەنكومەن ەكىجاقتى كەلىسسوز جۇرگىزدى.
