ء«بىز قازىر جەكە دەرەكتەردى باسقارۋ قۇرالىن ەنگىزىپ جاتىرمىز. ياعني, جەكە دەرەكتەردى ازاماتتاردىڭ وزدەرى باسقارۋىنا مۇمكىندىك بەرىلەدى. ولار جەكە دەرەكتەردى ءبىر رەت نەمەسە تۇراقتى تۇردە ءوزى باسقارىپ, پايدالانادى. بۇگىندە بۇل جاڭاشىلدىق تەحنيكالىق جانە زاڭ تۇرعىسىنان دا ەلىمىزدە ەنگىزىلىپ جاتىر. دەمەك ەندىگى ۋاقىتتا ءار ادام وزىنە قاتىستى جەكە دەرەككە ءوزى ەگە بولادى. جانە ونى پايدالانۋعا دا رۇقساتتى ءوزى بەرىپ نەمەسە تىيىم سالا الادى. ازىرگە قازاقستاندا پيلوتتىق جوبا رەتىندە ەنگىزىلىپ جاتىر», دەدى اسقار جامباكين قازاقپارات حاا الاڭىندا وتكەن Open Space جوباسىنىڭ تىكەلەي ەفيرىندە.
ۆيتسە-ءمينيستردىڭ ايتۋىنشا, جاڭا جوبانى تولىقتاي ەنگىزۋ كەلەر جىلعا جوسپارلانىپ وتىر. دەمەك, 2022 جىلدان باستاپ قازاقستاندىقتار جەكە دەرەكتەرىن وزدەرى باسقارا الادى.
