ايماقتار • 19 قاراشا، 2021

تاۋەلسىزدىك تاقىرىبىن تولعادى

47 رەت كورسەتىلدى

ەل تاۋەلسىزدىگىنىڭ 30 جىلدىعى مەن «رۋحاني جاڭعىرۋ» باعدار­لاماسى اياسىندا اقتوبەدە «تۇعىرلى تاۋەلسىزدىك» اتتى رەسپۋب­ليكالىق اقىندار ايتىسى ءوتتى. جىر سايىسىنا قازاقستاننىڭ ەڭبەك ەرى ءاسانالى ءاشىموۆ قازىلىق ەتسە، ەكى كۇنگە سوزىلعان شەشەندىك ونەردىڭ بايگەسىن قر ەڭبەك سىڭىرگەن قايراتكەرى ءجۇرسىن ەرمان جۇرگىزدى.

ايتىسقا نۇر-سۇلتان، ال­ماتى، شىمكەنت قالالارىنان، اق­مولا، الماتى، اقتوبە، اتى­راۋ، باتىس قازاقستان، جامبىل، قوستاناي، تۇركىستان، پاۆلودار، شىعىس قازاقستان وبلىستارىنان 20 اقىن قاتىستى.

 ەكى كۇندىك جىر سايىسىنىڭ قورىتىندىسى بويىنشا باس جۇل­دە – 2 ميلليون تەڭگە اقتو­بە­لىك توكپە اقىن مارات احمە­توۆ­تىڭ قان­جىعاسىنا بايلاندى. ءبى­رىن­­شى ورىن رۇستەم قايىرتايعا (ال­­ماتى) بۇيىردى. مۇنىڭ جۇل­­­­دە قورى 1،5 ميلليون تەڭگە. ەكىن­شى ورىننىڭ ەكى جۇلدەسى ارۋ­نا كەرىمبەك (اقتوبە) پەن با­ۋىر­جان شيرمەدين ۇلىنا (با­تىس قا­زاقستان وبلىسى) تابىس­تال­دى. مۇنىڭ جۇلدە قورى – 1 ميلليون­ تەڭگە. ال ءۇشىنشى ورىندى جامبىل وبلىسىنان كەلگەن اقىن قانات مىرزاحان ۇلى، تۇر­كىس­تان­دىق داۋرەن اقساقالوۆ پەن اقتو­بە­لىك جۇلدىز قوجابەكوۆا، پاۆ­لو­دارلىق راۋان قايداروۆ ءبو­لىس­تى. ءتورت توكپە اقىننىڭ ارقاي­سىسىنا 500 مىڭ تەڭگەنىڭ سەرتيفيكاتى تابىستالدى. سون­داي-اق نۇرلان ەسەنقۇل (الماتى) مەن سەرىك قۋانعان (شىعىس قازاقستان وبلىسى) 450 مىڭ تەڭ­گەنىڭ ارنايى سىيلىعىمەن ماراپاتتالدى.

اقتوبە وبلىسى اكىمدىگىنىڭ قول­داۋىمەن وبلىستىق مادەنيەت، ارحيۆتەر جانە قۇجاتتاما باسقار­ماسى مەن وبلىستىق حالىق شى­عارماشىلىعى ورتالىعى ۇيىم­داستىرعان وسى شارانىڭ قورى­تىندىسىندا جۇلدە الماعان ون اقىن ارنايى ديپلومدارمەن ماراپاتتالىپ، ارقايسىسى 300 مىڭ تەڭگەگە يە بولدى. تاۋەلسىزدىك مە­رەكەسى قۇرمەتىنە جىر سايىسىنا كەلگەن بارلىق اقىن وسىلايشا اقتوبەدەن قۇر كەتكەن جوق. ايتىستان ايتىسقا جەتكەن سا­يىن اقىننىڭ شابىتى شىڭدالا تۇسەرى انىق.

 

 اقتوبە وبلىسى

 

سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار