كىشكەنتاي كەزىمىزدە اپكەلەرىمىزدىڭ اۋىلدا كىلەم توقىعانىن تالاي مارتە كورگەنبىز. كوپ قىزدار قاتار وتىرىپ الىپ, اعاشقا كەرۋلى كىلەمدى ورنەكتەپ جاتاتىن. قازىر زامان دا, سانا دا وزگەرگەن. بۇگىندە ەشكىم قولدان كىلەم توقىمايدى جانە ءبىر كەزدەرى قابىرعاعا ىلەتىن كىلەمدى بۇگىندە اياقتىڭ استىنا توسەيتىن بولدىق. بىراق, قانداي زامان وتسە دە, كىلەم ەشقاشان ساننەن, تۇرمىستان قالعان ەمەس. مىنە, شىمكەنتتەگى «بال تەكستيل» جشس-ءنىڭ كىلەم توقۋدى قولعا الۋىنا وسى ماسەلە تۇرتكى بولسا كەرەك. الايدا, ءبىزدىڭ ەلدە كىلەم توقيتىن ماماندار جوقتىڭ قاسى. ارينە, بۇل انا ءۇيدىڭ, مىنا ءۇيدىڭ قىزدارىن شاقىرىپ, اسارلاتىپ توقىپ تاستايتىن اۋىلدىڭ باياعى كىلەمى ەمەس. قازىرگىلەر جاڭا تەحنولوگيانى مەڭگەرۋى قاجەت. «بۇل العاش اشىلىپ وتىرعان كىلەم شىعارۋ فابريكاسى بولعاندىقتان مامان ماسەلەسى قيىن بولىپ تۇر. تۇركيادان تەحنولوگيانىڭ ءتىلىن بىلەتىن 16 مامان شاقىرتىلعان, ولار جەرگىلىكتى جاستاردى ۇيرەتىپ جاتىر», دەيدى بۇل جونىندە جشس ديرەكتورى تالعات ىسقاقوۆ.
ادامنىڭ تاباندى, سۇيىكتى ەڭبەگى ارقاسىندا تالاي كەرەمەتتەر جاسالادى عوي. كىلەمدى وزىمىزدە شىعارامىز دەپ كىم ويلاعان دەيسىز... جاقىندا عانا شىمكەنت قالاسىنىڭ شەتىندەگى «وڭتۇستىك» ارنايى ەكونوميكالىق ايماعىنان اشىلعان «بال تەكستيل» جشس-ءنىڭ كىلەم توقيتىن فابريكاسى وتاندىق ءونىم شىعارۋ ىسىنە تىڭ سەرپىن بەرگەنى انىق. بۇل جولى كاسىپورىننىڭ العاشقى بولىگى ىسكە قوسىلدى. جالپى, قۇنى 8,450 ملرد. تەڭگەنى قۇراپ, ناتيجەسىندە 610 جۇمىس ورنىنىڭ اشىلۋى جوسپارلانعان. فابريكا جىلىنا 10 ملن. تەكشە مەتر كىلەم ونىمدەرىن شىعارماق. زاۋىت قۇرىلىسى 4 كەزەڭنەن تۇرادى. بارلىعى 26 جەلى ىسكە قوسىلۋ كەرەك بولسا, قازىرگى تاڭدا 6 جەلى جۇمىسىن باستادى. بىراق ازىرگە شيكىزات شەتەلدەن تاسىمالدانۋدا. اللا قالاسا, بيىل زاۋىتتىڭ ەكىنشى كەزەڭى ىسكە قوسىلعاندا شيكىزات ماسەلەسى شەشىلەدى دەپ كۇتىلۋدە. ناقتىراق ايتساق, فابريكا جانىنان 150 ادامعا ارنالعان ءجىپ ءيىرۋ تسەحى اشىلادى. وسىنىڭ ارقاسىندا 10 جەلى ىسكە قوسىلىپ, قوسىمشا 180 ادام جۇمىسقا تارتىلماق. كاسىپورىن بەلگيانىڭ سوڭعى زاماناۋي تەحنولوگياسىمەن جابدىقتالعان. تاعى ءبىر ايتارى, بيىل كىلەم ءوندىرىسى بويىنشا تاعى «ەسەنجول نازار» جشس-ءنىڭ جوباسىن ىسكە قوسۋ جوسپارلانۋدا. جوبانىڭ قۇنى – 900 ملن. تەڭگەنى قۇراپ, فابريكادا 60 جاڭا جۇمىس ورنى اشىلادى. «بال تەكستيل» جانە «ەسەنجول نازار» جشس فابريكالارى تولىق قۋاتپەن جۇمىس ىستەگەن كەزدە رەسپۋبليكا نارىعىنىڭ 60-70 پايىزىن قامتيتىن بولادى جانە ەكسپورتقا 3-4 ملن. شارشى مەتر كىلەم ونىمدەرىن شىعارۋعا مۇمكىندىكتەرى بار.
ارينە, فابريكانىڭ تۇساۋى كەسىلدى, كوزدىڭ جاۋىن الاتىن كىلەمدەرىن كوپ ەتىپ شىعارىپ جاتىر. بىراق, كوپشىلىكتىڭ كوكەيىندە: «بۇل كاسىپورىننىڭ جۇمىسى قانشالىقتى باياندى, باسەكەلەستىككە توتەپ بەرە الا ما, ەرتەڭ-اق شىعىنعا باتىپ قالماي ما؟» دەگەن سۇراقتىڭ تۇرعانى انىق. ياعني, بۇل تاي شابىس جوبالاردىڭ ءبىرى ەمەس پە؟ وڭتۇستىك قازاقستان وبلىسى اكىمىنىڭ ورىنباسارى ساپاربەك تۇياقباەۆتىڭ ايتۋىنا قاراعاندا, ءسوز ەتىپ وتىرعان جۇمىس ابدەن ساراپتالىپ, سۇرىپتالعان جوبا. كاسىپورىننىڭ تاۋارلارىنا سۇرانىس بولاتىنىنا ەشقانداي كۇمان جوق. ويتكەنى, بۇل كاسىپورىندار 20 جىل بويى قازاقستان نارىعىنا تۇركيادان يمپورت تاسىعان. بىلايشا ايتقاندا وسى سالاداعى ساۋدانىڭ بارلىق ىستىق-سۋىعىن كورىپ, وسى ىستەن ۇلكەن پايدا بار ەكەنىنە ابدەن كوزدەرى جەتكەن.
كىلەم مەن كىلەمشەلەردىڭ 100-گە جۋىق ءتۇرىن شىعاراتىن كاسىپورىن تولىق قۋاتىنا 2016 جىلى قوسىلاتىن بولادى. جالپى العاندا, قازىر وڭتۇستىك قازاقستان وبلىسىندا 170 جوبا يندۋستريالاندىرۋ كارتاسىنا ەنگەن. بۇل 20 مىڭنان استام جۇمىس ورنى دەگەن ءسوز. بۇگىنگى كۇنى سونىڭ 103-ءى ىسكە قوسىلىپ, 8873 جاڭا جۇمىس ورنى اشىلدى. رەسپۋبليكا بويىنشا قولعا الىنعان 111 جوبانىڭ 60-سى, ىسكە قوسىلعان 135 جوبانىڭ 46-سى وسى وڭتۇستىكتىڭ ەنشىسىندە. وسىلايشا, وڭتۇستىكقازاقستاندىق كاسىپكەرلەر كىلەمنەن دە كىرىس كىرگىزىپ, تابىس تابۋعا بەل شەشىپ وتىر.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
سۋرەتتەردى تۇسىرگەن ارمان ابدىراش ۇلى.
ادامنىڭ تاباندى, سۇيىكتى ەڭبەگى ارقاسىندا تالاي كەرەمەتتەر جاسالادى عوي. كىلەمدى وزىمىزدە شىعارامىز دەپ كىم ويلاعان دەيسىز... جاقىندا عانا شىمكەنت قالاسىنىڭ شەتىندەگى «وڭتۇستىك» ارنايى ەكونوميكالىق ايماعىنان اشىلعان «بال تەكستيل» جشس-ءنىڭ كىلەم توقيتىن فابريكاسى وتاندىق ءونىم شىعارۋ ىسىنە تىڭ سەرپىن بەرگەنى انىق. بۇل جولى كاسىپورىننىڭ العاشقى بولىگى ىسكە قوسىلدى. جالپى, قۇنى 8,450 ملرد. تەڭگەنى قۇراپ, ناتيجەسىندە 610 جۇمىس ورنىنىڭ اشىلۋى جوسپارلانعان. فابريكا جىلىنا 10 ملن. تەكشە مەتر كىلەم ونىمدەرىن شىعارماق. زاۋىت قۇرىلىسى 4 كەزەڭنەن تۇرادى. بارلىعى 26 جەلى ىسكە قوسىلۋ كەرەك بولسا, قازىرگى تاڭدا 6 جەلى جۇمىسىن باستادى. بىراق ازىرگە شيكىزات شەتەلدەن تاسىمالدانۋدا. اللا قالاسا, بيىل زاۋىتتىڭ ەكىنشى كەزەڭى ىسكە قوسىلعاندا شيكىزات ماسەلەسى شەشىلەدى دەپ كۇتىلۋدە. ناقتىراق ايتساق, فابريكا جانىنان 150 ادامعا ارنالعان ءجىپ ءيىرۋ تسەحى اشىلادى. وسىنىڭ ارقاسىندا 10 جەلى ىسكە قوسىلىپ, قوسىمشا 180 ادام جۇمىسقا تارتىلماق. كاسىپورىن بەلگيانىڭ سوڭعى زاماناۋي تەحنولوگياسىمەن جابدىقتالعان. تاعى ءبىر ايتارى, بيىل كىلەم ءوندىرىسى بويىنشا تاعى «ەسەنجول نازار» جشس-ءنىڭ جوباسىن ىسكە قوسۋ جوسپارلانۋدا. جوبانىڭ قۇنى – 900 ملن. تەڭگەنى قۇراپ, فابريكادا 60 جاڭا جۇمىس ورنى اشىلادى. «بال تەكستيل» جانە «ەسەنجول نازار» جشس فابريكالارى تولىق قۋاتپەن جۇمىس ىستەگەن كەزدە رەسپۋبليكا نارىعىنىڭ 60-70 پايىزىن قامتيتىن بولادى جانە ەكسپورتقا 3-4 ملن. شارشى مەتر كىلەم ونىمدەرىن شىعارۋعا مۇمكىندىكتەرى بار.
ارينە, فابريكانىڭ تۇساۋى كەسىلدى, كوزدىڭ جاۋىن الاتىن كىلەمدەرىن كوپ ەتىپ شىعارىپ جاتىر. بىراق, كوپشىلىكتىڭ كوكەيىندە: «بۇل كاسىپورىننىڭ جۇمىسى قانشالىقتى باياندى, باسەكەلەستىككە توتەپ بەرە الا ما, ەرتەڭ-اق شىعىنعا باتىپ قالماي ما؟» دەگەن سۇراقتىڭ تۇرعانى انىق. ياعني, بۇل تاي شابىس جوبالاردىڭ ءبىرى ەمەس پە؟ وڭتۇستىك قازاقستان وبلىسى اكىمىنىڭ ورىنباسارى ساپاربەك تۇياقباەۆتىڭ ايتۋىنا قاراعاندا, ءسوز ەتىپ وتىرعان جۇمىس ابدەن ساراپتالىپ, سۇرىپتالعان جوبا. كاسىپورىننىڭ تاۋارلارىنا سۇرانىس بولاتىنىنا ەشقانداي كۇمان جوق. ويتكەنى, بۇل كاسىپورىندار 20 جىل بويى قازاقستان نارىعىنا تۇركيادان يمپورت تاسىعان. بىلايشا ايتقاندا وسى سالاداعى ساۋدانىڭ بارلىق ىستىق-سۋىعىن كورىپ, وسى ىستەن ۇلكەن پايدا بار ەكەنىنە ابدەن كوزدەرى جەتكەن.
كىلەم مەن كىلەمشەلەردىڭ 100-گە جۋىق ءتۇرىن شىعاراتىن كاسىپورىن تولىق قۋاتىنا 2016 جىلى قوسىلاتىن بولادى. جالپى العاندا, قازىر وڭتۇستىك قازاقستان وبلىسىندا 170 جوبا يندۋستريالاندىرۋ كارتاسىنا ەنگەن. بۇل 20 مىڭنان استام جۇمىس ورنى دەگەن ءسوز. بۇگىنگى كۇنى سونىڭ 103-ءى ىسكە قوسىلىپ, 8873 جاڭا جۇمىس ورنى اشىلدى. رەسپۋبليكا بويىنشا قولعا الىنعان 111 جوبانىڭ 60-سى, ىسكە قوسىلعان 135 جوبانىڭ 46-سى وسى وڭتۇستىكتىڭ ەنشىسىندە. وسىلايشا, وڭتۇستىكقازاقستاندىق كاسىپكەرلەر كىلەمنەن دە كىرىس كىرگىزىپ, تابىس تابۋعا بەل شەشىپ وتىر.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
سۋرەتتەردى تۇسىرگەن ارمان ابدىراش ۇلى.
