مەتروپوليتەندەگى پوليتسيا باسقارماسىنىڭ مالىمەتىنشە, ءۇش جاس جىگىت الماتى مەتروسىنىڭ جولاۋشىلارىنا پرانك جاساعان. ولار مۋزىكا كولونكاسىنىڭ كومەگىمەن اۋەندى قاتتى قويىپ, ازاماتتاردىڭ نارازىلىعىن تۋدىرعان. كەيبىر جولاۋشىلار اۋەننىڭ كەنەت قاتتى وينايتىنىن كۇتپەگەندىكتەن, قورىققان. ولاردىڭ ءبىرى «جىبەك جولى» بەكەتىندە قىزمەت ەتەتىن پوليتسيا قىزمەتكەرلەرىنەن كومەك سۇرادى.
«قوعامدىق ءتارتىپتى بۇزعاندار ينسپەكتوردىڭ زاڭدى تالاپتارىنا قارسىلىق تانىتتى. 19 جانە 22 جاستاعى ا., ك. جانە ا.ەسىمدى ازاماتتاردىڭ ارەكەتتەرى قر اقبك-ءنىڭ 434-بابى بويىنشا ۇساق بۇزاقىلىققا جاتقىزىلدى. اكىمشىلىك ءىستىڭ ماتەريالدارى جيناقتالىپ, شەشىم قابىلداۋ ءۇشىن سوتقا جىبەرىلدى», دەدى مەتروپوليتەندەگى پب باستىعىنىڭ ورىنباسارى قايرات جۇرىنوۆ.
