جۇرەككە ءاجىم تۇسپەيدى

تارازدىق كارديوحيرۋرگتەر ەۋروپالىق ارىپتەستەرىمەن بىرگە جۇرەك سوعىسىنىڭ جيىلىگىن قالپىنا كەلتىرۋگە باعىتتالعان وتا جاسادى

تاراز قالاسىنداعى «جۇرەك» كارديوحيرۋرگيالىق كلينيكاسىندا اۆستريا, ۆەنگريا دارىگەر-پروفەسسورلارىنىڭ قاتىسۋىمەن جۇرەك جۇمىسىن ەلەكتروفيزيولوگيالىق زەرتتەۋ جانە راديوتولقىندى ابلياتسيا (حيرۋرگيالىق جولمەن اعزانىڭ ءبىر بولىگىن الىپ تاستاۋ) جاساۋعا ارنالعان تۇڭعىش شەبەرلىك سىنىبى وتكىزىلدى. كارديوحيرۋرگيالىق جە­تىستىكتىڭ بۇل تۇرىمەن وتا جاساتۋ ءۇشىن ناۋقاستار بۇرىن ارنايى كۆوتامەن استانا, الماتى قالالارىنداعى ۇلتتىق عىلىمي ورتالىقتارعا قارالاتىن. ەن­دى مۇنداي تاۋەكەلدەر «ءجۇ­رەك» كارديوحيرۋرگيالىق كلي­­ني­كا­سىندا مەديتسينالىق كەپىلدەندىرىلگەن كومەك نەگىزىندە تەگىن جاسالاتىن بولدى. بۇل ەمنىڭ ەرەكشەلىگى – ناۋقاسقا اريتميادان تولىق ەمدەلۋگە جانە ءدارى-دارمەكتەرگە تاۋەل­دىلىكتەن ءبىرجولا قۇتىلۋعا ءمۇم­كىندىك بەرەدى. جۇرەك سوعىسىنىڭ جيىلىگىن قالپىنا كەلتىرۋگە باعىتتالعان بۇل ءادىس ەۋروپا ەلدەرىندە 20 جىلدان بەرى قولدانىلىپ كەلەدى. سوندىقتان, مامانداردىڭ ءتىلى­مەن ايتقاندا, «راديوجيىلىك ابلياتسياسى» دەپ اتالاتىن وتا­نى الەمدىك مەديتسينا ءۇشىن جاڭالىق دەۋگە بولمايدى. دەگەنمەن, وڭ­تۇستىك وڭىردە ال­عاش رەت جاسالىپ وتىرعان ەم ءتۇرىن قولدانۋ ءۇشىن كلينيكا قىزمەتكەرلەرى بىلىكتىلىكتەرىن شىڭداپ, بىرقاتار تاجىريبەلىك سىناقتاردان ءوتتى. شەتەلدەردە تاجىريبەسىن شىڭ­­داپ, بىلىكتىلىك كۋرستارىنان وتكەن كارديوحيرۋرگ تيمۋر اشيروۆ: «نەگىزى, ءبىزدىڭ ماقسات – كارديولوگيالىق اۋرۋلاردان بولاتىن ءولىم-ءجىتىمدى ازايتۋ. ول ءۇشىن جامبىلدىقتاردى الماتى مەن استاناعا سابىلتپاي, بار­لىق كارديولوگيالىق جانە كار­ديوحيرۋرگيالىق كومەكتى دۇنيەجۇزىلىك ستاندارتقا ساي دەڭگەيدە وزىمىزدە كورسەتۋىمىز كەرەك. سوندىقتان, ءبىزدىڭ باستى مىندەت جۇرەكتەرگە جاڭا ءومىر سىيلاۋ, – دەيدى. بۇگىندە 90 ادامعا ارنالعان كلينيكا كارديوحيرۋرگيا سالاسىندا مەديتسينالىق كومەك كورسەتۋدە. وسى اۋرۋحانا اشىل­عان وتكەن جىلدان بەرى 12 اورتو­كورونارلىق شۋنتتاۋ, 43 كورونوگرافيا, 17 ستەنتتەۋ وتالارى جاسالدى. ەمدەلۋشىلەردىڭ بار­لىعىنىڭ دا دەنساۋلىقتارى جاقسى. كوسەمالى ساتتىباي ۇلى, «ەگەمەن قازاقستان». جامبىل وبلىسى. ––––––––––––– سۋرەتتەردە: جۇرەككە كار­ديو­حي­­رۋرگيالىق وتا جاساۋ ءساتى.