ءىس-شاراعا مادەنيەت جانە سپورت ءمينيسترى اقتوتى رايىمقۇلوۆا, جازۋشى, فيلولوگيا عىلىمدارىنىڭ دوكتورى ءۋاليحان قاليجان, اقىن, قازاقستاننىڭ ەڭبەك سىڭىرگەن قايراتكەرى سەرىك تۇرعىنبەكوۆ, كومپوزيتور, مەملەكەتتىك سىيلىقتىڭ لاۋرەاتى تولەگەن مۇحامەدجانوۆ, قازاقستان جانە تاتارستان رەسپۋبليكاسىنىڭ حالىق ءارتىسى, مەملەكەتتىك سىيلىقتىڭ لاۋرەاتى نۇرجامال ۇسەنباەۆا, كومپوزيتور, قازاقستاننىڭ ەڭبەك سىڭىرگەن قايراتكەرى جولامان تۇرسىنباەۆ, قازاقستاننىڭ ەڭبەك سىڭىرگەن ءارتىسى نۇرلان ونەرباەۆ سىندى ونەر جۇلدىزدارى مەن اقىننىڭ وتباسى قاتىستى.
ءشومىشباي ساريەۆ اتىنداعى شىعارماشىلىق زالدا وقىرماندار ءان ونەرىن شىرقاۋ بيىككە كوتەرگەن اقىننىڭ شىعارماشىلىعىمەن تانىسا وتىرىپ, كىتاپ وقۋ, فيلم كورۋ, مۋلتيمەديالىق رەسۋرستار قورىنان مۋزىكا تىڭداي الادى. سونداي-اق ارنايى كاسىبي قۇجاتتار قورى ورنالاسقان. بۇل قور ساۋلەت, مۋزىكا, بەينەلەۋ جانە كەسكىندەمە تاعى باسقا ونەر سالالارىن قامتيدى. ءشومىشباي ساريەۆ اتىنداعى شىعارماشىلىق زال قورىندا الەمدىك جانە وتاندىق ونەر تۋرالى تۋىندىلار مەن كورنەكتى ونەر قايراتكەرلەرىنىڭ, بەلگىلى كومپوزيتورلاردىڭ, مۋزىكانتتاردىڭ, ونەرتانۋشىلاردىڭ شىعارمالارى ەلەكتروندى تۇردە جيناقتالعان. سونىمەن قاتار وقىرماندار نوتالىق باسىلىمداردى تىڭداپ ءارى كۇيساندىقتا ورىنداي الادى.
شىعارماشىلىق زال الداعى ۋاقىتتا ونەر سالاسى بويىنشا الەم ادەبيەتتەرىنىڭ امبەباپ قورىن قۇرا وتىرىپ, قازاقستان مادەنيەتى مەن ونەرى بويىنشا ادەبيەتتەر قورىن جەتىلدىرۋ مەن ناسيحاتتاۋ, اقپاراتتىق, مادەني جانە ءبىلىم بەرۋمەن اينالىسادى. بۇدان بولەك زەرتتەۋشىلەر مەن عالىمدارعا, ماگيسترانتتارعا اقپاراتتىق-بيبليوگرافيالىق قىزمەت كورسەتۋ, مادەني-كوپشىلىك ءىس-شارالار وتكىزۋ جۇمىستارىن دا اتقارادى.
ايتا كەتەيىك, ءشومىشباي ساريەۆتىڭ «جۇرەگىم – قازاق ەلى» اتتى جاڭا جىر جيناعى بيىل «اتامۇرا» باسپاسىنان جارىق كوردى. جيناققا ۇلتىمىزدىڭ تاۋەلسىزدىگىن ۇلىقتايتىن, ۇرپاعىمىزدى ۇلتتى سۇيۋگە, ۇلتتىق پاتريوتيزمگە ۇمتىلدىراتىن شىعارمالارى توپتاستىرىلعان.
