ءتيىستى ۇسىنىم قابىلداندى

ءماجىلىستىڭ الەۋمەتتىك-مادەني دامۋ كوميتەتىنىڭ ءتورايىمى داريعا نازار­باەۆانىڭ جەتەك­شىلىگىندەگى وتكەن كەزەكتى كەڭەيتىلگەن كوميتەت وتىرىسى «قازپوشتا» اق-تىڭ بۇگىنگى جاعدايى مەن بولاشاعى» ماسەلەسىنە ارنالدى, دەپ حابارلادى وسى پالاتانىڭ ءباسپاسوز قىزمەتى. كوميتەت مۇشەلەرىنە «قاز­پوشتا» اق توراعاسى اسحات بەي­سەنباەۆ بايانداما جاسادى. بۇگىنگى قازاقستاندىق پوشتادا 22 000 ادام جۇمىس ىستەيدى, ەلىمىزدەگى 3131 بايلانىس بولىمشەسى, 14 وب­لىس­تىق فيليال, استانا جانە ال­ماتى قالالارىنداعى 2 پوچتامت, 7 مامانداندىرىلعان فيليالى بار. ونىڭ ىشىندە, 2185 وندىرىستىك نىسان اۋىلدىق جەرلەردە, 676 بىرلىك قالالىق جەرلەردە, 156 بىرلىك اۋدان ورتالىقتارىندا ورنالاسقان جانە 114 جىلجىمالى پوشتا بايلانىسى ءبو­لىمشەسى بار. قازاقستاندا 6936 اۋىلدىق ەل­دى مەكەن بار, ونىڭ 31,5%-ى ستاتسيونارلىق ءون­­دى­رىس­تىك وبەكتىلەرمەن, 54,2%-ى­نا جاقىن ءبو­لىمشەلەردىڭ پوش­تاشىلارىمەن, 14,3%-ى جىلجى­مالى بايلانىس بولىمشەلەرىمەن قىز­مەت كور­سەتىلەدى. وسىلايشا, «قازپوشتا» قازاقستانداعى بارلىق ەلدى مەكەندەرگە قىزمەت كورسەتەدى. قازاقستان رەسپۋبليكاسىنا جۇك­تەلگەن مىندەتتەمەلەردى, ونىڭ ىشىندە دۇنيە­جۇزىلىك پوش­تا وداعىنىڭ (دپو) تاعايىن­دالعان وپەراتور تۋرالى حابار­لا­ماسىن ەسكەرە وتىرىپ, پار­لا­مەنت ءماجىلى­سىنىڭ دەپۋتاتتارى «قازاقستان رەسپۋبلي­كاسىنىڭ پوشتا بايلانىسى جانە پوشتا وپەراتورلارىنىڭ قىزمەتىن رەت­تەۋ سالاسىنداعى نورمالارىن دۇنيەجۇزىلىك پوش­تا وداعى اكتى­لەرىنىڭ نورمالارىمەن ۇيلەس­تىرۋ ماسەلەلەرى بويىنشا قا­زاق­ستانداعى كەيبىر زاڭنامالىق اكتىلەرىنە وزگەرىستەر مەن تولىق­تىرۋلار ەنگىزۋ تۋرالى» زاڭ جوباسىنا باستاماشىلىق ەتتى. اتال­عان زاڭ جوباسى قازاقستان رەس­پۋبليكاسىنىڭ «پوشتا تۋرالى» زاڭىنا ءتيىستى وزگەرىستەر ەنگىزۋدى قاراستىرادى. قازىرگى كەزدە ەل ۇكىمەتىنىڭ ۇيعارىمى الىنىپ, زاڭ جوباسى پارلامەنتتىڭ ماجىلىسىنە جىبەرىلدى. وسىعان بايلانىستى زاڭ جوباسىن جەدەل تۇردە قابىلداۋعا كومەك قاجەت. وتىرىس بارىسىندا بىرقاتار مەملەكەتتىك ورگانداردىڭ, «سا­مۇرىق-قازىنا» قورىنىڭ وكىلدەرى ءسوز سويلەدى. مزجو, اقمولا, قارا­عاندى جانە پاۆلودار وبلىس­تارىنىڭ وكىلدەرى ءوز وي-پىكىرلەرىن ورتاعا سالدى. تالقىلاۋعا «ەگەمەن قازاقستان» جانە «كازاحستانسكايا پراۆدا» گازەتتەرىنىڭ باسشىلارى دا قاتىستى. تالقىلاۋ قورىتىندىسى بويىنشا ءتيىستى ۇسىنىم قابىلداندى.