«ەرەكشە كۇتىمدى قاجەت ەتەتىن بالالارعا ءبىلىم بەرۋ ءۇشىن بولىنەتىن قارجى ەكى ەسەگە ۇلعايدى. قازىر ءبىر بالاعا 730 مىڭ تەڭگەدەن استام قارجى بولىنەدى. ءبىر اي بۇرىن 6 ايماقتا مۇگەدەكتىك مارتەبەسىن بەرۋ بويىنشا پيلوتتىق جوبا جۇزەگە اسىرىلا باستادى. ول ازاماتتار اراسىندا سۇرانىسقا يە. جاڭا جىلدان باستاپ جاڭا فورماتتا بارلىق ايماق بويىنشا ەنگىزىلەدى», دەدى ول.
مەملەكەت باسشىسى پوليتسيا مەن قىلمىستىق-اتقارۋ مەكەمەلەرىندە جاپپاي بەينەباقىلاۋ ەنگىزۋدى دە مىسالعا الدى.
«بۇل جۇمىس تولىق 2023 جىلدىڭ سوڭىندا اياقتالادى. الايدا جىل سوڭىنا دەيىن پوليتسيانىڭ بارلىق ءبولىمى كامەرامەن قامتاماسىز ەتىلەدى», دەدى قاسىم-جومارت توقاەۆ.
