«ۋنيۆەرسيتەتتەرگە زاڭ جۇزىندە اكادەميالىق جانە باسقارۋ دەربەستىگى بەرىلدى. سونىمەن قاتار مامانداردى دايارلاۋ ساپاسىن ودان ءارى ارتتىرۋ, ول ءۇشىن جوعارى وقۋ ورىندارىنىڭ جاۋاپكەرشىلىگى تەتىگىن ەنگىزۋ قاجەت. ءبىلىمدى ساپاسىز بەرگەن 15 ۋنيۆەرسيتەت جابىلدى. ستۋدەنتتەردىڭ ءبىلىمىن تەكسەرۋ ارقىلى وقىتۋ ناتيجەسىنە قويىلاتىن بىلىكتىلىك تالاپتارى قايتا قارالدى», دەگەن ۇكىمەت باسشىسى تۇلەكتەردىڭ ءبىلىم دەڭگەيى نارىق پەن جۇمىس بەرۋشىلەردىڭ تالاپتارىنا ساي بولۋ كەرەكتىگىن ەسكە سالدى.
«ەڭبەك مينيسترلىگى مەن «اتامەكەن» كاسىپكەرلەر پالاتاسى مامانداردى دايارلاۋ ساپاسىنا نەگىز بولاتىن جاڭا كاسىپتىك ستاندارتتاردى جاڭارتۋ جانە ازىرلەۋ بويىنشا جۇمىستى جانداندىرسىن. تۇلەكتەردى سەرتيفيكاتتاۋدىڭ تاۋەلسىز جۇيەسىن دامىتۋ, ۇلتتىق بىلىكتىلىك جىكتەگىشىن جاڭارتۋ قاجەت. پاندەميا قاشىقتان وقىتۋ فورماتىن دامىتۋدىڭ جوعارى وقۋ ورىندارى ءۇشىن دە ماڭىزدىلىعىن كورسەتتى. سوندىقتان بۇل باعىتتى زاڭ جۇزىندە رەتتەۋ قاجەت», دەدى ۇكىمەت باسشىسى.
