شىعىستا جاس كاسىپكەرلەردى قولداۋعا 100 ملن.تەڭگە بولىنەدى

بيىل شىعىس قازاقستان وبلىسىنداعى جاس كاسىپكەرلەردى قولداۋ ماقساتىندا مەملەكەت قازىناسىنان قوماقتى قارجى بولىنگەلى وتىر. بۇل تۋرالى Altaynews.kz حابارلادى. جەرگىلىكتى وڭىردە كاسىبىن ەندى باستاعان جاستارعا بيىل شامامەن 100 ملن.تەڭگە ءبولۋ قاراستىرىلعان. وسى تۇستا مىنا نارسەنى باسا ايتقىمىز كەلەدى. وتكەن جىلى جاس كاسىپكەرلەردى قارجىمەن قامتاماسىز ەتۋ ءىسى جاقسى جەتىستىكتەردىڭ بولۋىنا نەگىز قالاعان. سوندىقتان اتالعان ايماقتاعى كاسىپكەرلىك جانە يندۋستريالىق-يننوۆاتسيالىق دامۋ باسقارماسى بيىلعى جىلى دا جاس كاسىپكەرلەردى قارجىلاي قولداۋ ماقساتىمەن ءتيىستى ورىندارعا ۇسىنىس جولداعان ەكەن. «كاسىپكەرلىكتى دامىتۋ ءۇشىن وسى جىلعا رەسپۋبليكالىق بيۋدجەتتەن 25 ملن. تەڭگە قاراستىرىلعان بولاتىن. الايدا, ءبىز قوسىمشا 90 ملن. تەڭگە ءبولۋ جونىندە قۇزىرلى ورىنعا ۇسىنىس جولدادىق. وسى ءىس ورىندالادى دەگەن ۇمىتتەمىز. ويتكەنى, كاسىپكەرلىكتى دامىتۋعا باعىتتالعان باعدارلاما ءوز ناتيجەسىن بەرۋدە», - دەيدى وبلىستىق كاسىپكەرلىك جانە يندۋستريالىق-يننوۆاتسيالىق دامۋ باسقارماسىنىڭ باسشىسى شاكارىم بۇقتۇعۇتوۆ. ءامىرحان الماعانبەتوۆ. دەرەككوز: Altaynews.kz. فوتو: Ampbo.ru.