توراعا ورىنباسارى دۇنيەجۇزىلىك بانكپەن ستراتەگيالىق سەرىكتەستىكتىڭ ماڭىزىن اتاپ ءوتتى. قازاقستاندا قازىرگى ۋاقىتتا بانكتىڭ كومەگىمەن الەۋمەتتىك-ەكونوميكالىق جانە ەكولوگيا سالالارىندا جالپى سوماسى 3,5 ملرد. دوللار بولاتىن 12 جوبا ىسكە اسۋدا.
اننا بەردە ينكليۋزيۆتىك ءوسۋ, ادام كاپيتالىن نىعايتۋ, مەملەكەتتىك سەكتوردىڭ تيىمدىلىگىن ارتتىرۋ, ەلدىڭ ينستيتۋتسيونالدىق دامۋىنا جاردەمدەسۋدى بانك قىزمەتىنىڭ قازاقستانداعى نەگىزگى باعىتتارى رەتىندە بەلگىلەگەنىن ايتتى. بۇل تۇرعىدا ناتيجەگە باعدارلانعان بيۋدجەتتى جەتىلدىرۋدە ۇكىمەتكە تەحنيكالىق جاردەمدەسۋ دەربەس نازار اۋدارۋدى تالاپ ەتەدى.
جۇزدەسۋشىلەر گلازگوداعى كليماتتىق ءسامميتتىڭ قورىتىندىلارىن, قازاقستانداعى بۋلانۋ ناتيجەسىندەگى شىعارىندىلاردى 15%-عا ازايتۋ, كومىرتەگىنەن بەيتاراپ بولۋعا 2060 جىلعا دەيىن قول جەتكىزۋ جونىندەگى جوسپارلارىن تالقىلادى. قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ ەلىمىزدە ورنىقتى دامۋ جونىندەگى ورتالىق ازيا ايماقتىق كليماتتىق حابىن قۇرۋ باستاماسىنا قولداۋ ءبىلدىرىلدى.
دۇنيەجۇزىلىك بانكتىڭ ۆيتسە-پرەزيدەنتى قازاقستانداعى بۋلانۋ ناتيجەسىندەگى شىعارىندىلاردى ازايتۋعا ىقپال ەتەتىن مال شارۋاشىلىعىن تۇراقتى دامىتۋ باعدارلاماسىن تەز ارادا راتيفيكاتسيالاۋعا مۇددەلى ەكەنىن جەتكىزدى. وسىعان بايلانىستى مال شارۋاشىلىعى سالاسىن دامىتۋ قۇرالدارىن جەتىلدىرۋ ارقىلى كليماتتىق وزگەرىستەرگە قارسى كۇرەستەگى قازاقستاننىڭ كوشباسشىلىعى اتاپ ءوتىلدى.
«سۋ رەسۋرستارىن ءتيىمدى پايدالانۋ جانە قورشاعان ورتانى قورعاۋمەن بىرگە ورنىقتى دامۋ ماسەلەلەرىءنىڭ ءمان-ماڭىزى ءبىرىنشى دارەجەگە يە ءارى بارشاعا ورتاق. ارال تەڭىزى اپاتىنىڭ سالدارىمەن كۇرەس ورتالىق ازيا مەملەكەتتەرىنىڭ ورتاق پروبلەماسى بولىپ تابىلادى جانە ەكى جانە كوپجاقتى نەگىزدە شەشىلۋى ءتيىس», دەدى سەنات توراعاسىنىڭ ورىنباسارى. بانكتىڭ قولداۋىمەن جۇزەگە اسقان ەكولوگيالىق جوبالار سۋ دەڭگەيىنىڭ جوعارىلاۋىنا, ارال تەڭىزىنىڭ سولتۇستىك بولىگىندەگى بالىق اۋلاۋدى قالپىنا كەلتىرۋگە, سونداي-اق جالپى ەكولوگيالىق جاعدايدى جاقسارتۋعا ىقپال ەتتى.
دۇنيەجۇزىلىك بانك وكىلى ورنىقتى دامۋ ماقساتتارىن ىسكە اسىرۋدا قازاقستانعا جاردەمدەسۋگە جانە كليماتتىڭ وزگەرۋىنە قارسى كۇرەستە باستامالاردى ىلگەرىلەتۋگە ىقپال ەتۋگەدايىن ەكەندىگىن ءبىلدىردى.
