ماراپاتتاۋ سالتاناتى ادەتتەگىدەي قىزىل كىلەم ۇستىنەن ءوتۋ راسىمىمەن باستالدى. بۇل شاراعا قازاقستاننىڭ حالىق ءارتيسى ءاسانالى ءاشىموۆ, «قازاقفيلم» كينوستۋدياسىنىڭ پرەزيدەنتى اقان ساتاەۆ, كينوستۋديانىڭ ءوندىرىس بويىنشا ۆيتسە-پرەزيدەنتى ايدار باتالوۆ, «ۇلتتىق كينونى قولداۋ مەملەكەتتىك ورتالىعى» كەق باس پروديۋسەرى اداي ءابىلدينوۆ, قازاقستاننىڭ ەڭبەك سىڭىرگەن قايراتكەرى رۋستەم ابدىراشەۆ, اكتەر بەرىك ايتجانوۆ, اكتەر ەركەبۇلان دايىروۆ اكتريسالار الميرا تۇرسىن جانە مادينا ەسمانوۆا, رەجيسسەر نۇرعيسا ءالمۇرات, پروديۋسەر نۇرلان قويانباەۆ جانە باسقالارى قاتىستى. فەستيۆالدىڭ جابىلۋ سالتاناتىنا قر مادەنيەت جانە سپورت ءمينيسترى اقتوتى رايىمقۇلوۆا دا قاتىستى.
فەستيۆال شەڭبەرىندە قازاقستان, ءازىربايجان, تۇركيا, وزبەكستان جانە قىرعىزستان مينيسترلەرى جوعارىدا اتالعان مەملەكەتتەردە «قوقىت اتا» فەستيۆالىن وتكىزۋ, سونداي-اق كينو ونەرى سالاسىندا ىنتىماقتاستىق جونىندە مەموراندۋمعا قول قويدى.
تۇركيادا العاش رەت وتكىزىلىپ وتىرعان Korkut Ata Turkic World Film Festival كينوفەستيۆالىندە بيىل 13 ەلدەن بارلىعى 42 كينوتۋىندى قاتىستى.
فەستيۆالدىڭ اشىلۋ سالتاناتىندا رەجيسسەر اقان ساتاەۆتىڭ «توميريس» ءفيلمى كورسەتىلدى.
