«ايتۆ: ءاربىرىن ءتۇسىنۋ» تاقىرىبى شەڭبەرىندە 10 كۇن ىشىندە قالا تۇرعىندارىن ايتۆ ينفەكتسياسىن جۇقتىرۋدىڭ الدىن الۋ ماسەلەلەرى بويىنشا, اسىرەسە جاستار اراسىندا حاباردار ەتۋ جانە بارلىق مۇددەلى تاراپتاردىڭ ۆەدومستۆوارالىق ءوزارا ءىس-قيمىلىن نىعايتۋ ارقىلى قاۋىپسىزدىكتى قالىپتاستىرۋ, كەمسىتۋشىلىكتى جويۋ سياقتى ءىس-شارالار وتكىزىلەتىن بولادى:
- 17 قاراشادا ونلاين فورماتتا الەۋمەتتىك جەلىلەردە جانە YouTube ارناسىنىڭ تىكەلەي ەفيرىندە قازاق ۇلتتىق ونەر ۋنيۆەرسيتەتىنىڭ كلاسسيكالىق كامەرالىق كونتسەرتى وتەدى.
- 19 قاراشادا نۇر-سۇلتان قالاسىنىڭ ءبىلىم باسقارماسى كوللەدج ستۋدەنتتەرى مەن جوعارى سىنىپ وقۋشىلارى اراسىندا ايتۆ-ينفەكتسياسىنىڭ الدىن الۋ بويىنشا جاستار فورۋمى وتەدى.
- 24 قاراشادا مەديتسينالىق ۋنيۆەرسيتەت ستۋدەنتتەرى اراسىندا پىكىرتالاس وتەدى.
وسى ءىس-شارالارمەن قاتار, 15-25 قاراشا ارالىعىندا قالانىڭ ءىرى جوعارى وقۋ ورىندارىندا ستۋدەنتتەردى ايتۆ-عا جەدەل تەستىلەۋ بويىنشا اكتسيا ۇيىمداستىرىلادى. 10 كۇن بويى كۇندەلىكتى جيتس ورتالىعىنىڭ دوستىق كابينەتىندە اشىق ەسىك كۇندەرى وتەدى.
سونداي-اق, الەۋمەتتىك جەلىلەردە ۇكىمەتتىك ەمەس ۇيىمدار مەن مەديتسينا قىزمەتكەرلەرىنىڭ قاتىسۋىمەن قالا تۇرعىندارى ءۇشىن #ۋسلىشات كاجدوگو#اربىرىنتۇسىنۋ#toHearEveryone اتتى چەللەندج ۇيىمداستىرىلادى.
ورتالىقتا تىركەلگەن, ايتۆ-مەن ءومىر سۇرەتىن الەۋمەتتىك از قامتىلعان وتباسىلارعا ازىق-ت ۇلىك جيىنتىعى بەرىلەدى. ءىس-شارالار سانيتارلىق-ەپيدەميولوگيالىق تالاپتاردى ساقتاي وتىرىپ, قوعامدىق دەنساۋلىق ساقتاۋ باسقارماسىمەن, ءبىلىم باسقارماسىمەن, قازاق ۇلتتىق ونەر ۋنيۆەرسيتەتىمەن جانە ۇكىمەتتىك ەمەس ۇيىمدارمەن بىرلەسىپ وتكىزىلەدى.
ونىڭ قورىتىندىسى بويىنشا 25 قاراشادا باق وكىلدەرىمەن ءباسپاسوز كونفەرەنتسياسى وتەدى.
