ويۋ تاڭبالى ورنەك

ەلوردادا «شەجiرە» قازىر­گى زا­مان­عى ونەر گالەرەيا­سىندا بەلگىلى سۋرەت­شى باق­تى­بەك تال­قامباەۆتىڭ شىعار­ماشىلىعىنا ارنالعان «ماڭگىلىك ەل» اتتى كورمەسى اشىلدى. كورمە ەلباسى نۇر­سۇلتان نازارباەۆتىڭ ەل حالقىنا جولداۋىندا ايتقان «ماڭگىلىك ەل» ۇلتتىق يدەياسىن قولدايدى. – مەملەكەت باسشىسىنىڭ ۇلتتىق يدەياسى ءبىزدى رۋحاني تالپىنىسقا, شىعارماشىلىق ىزدەنىستەرگە ىنتالاندىرادى. سونىڭ دالەلى وسى ونەرگە ارنالعان كورمە, – دەيدى بۇل شارانىڭ باسىندا جۇرگەن روزا ءجۇسىپوۆا. سۋرەتشىنىڭ كەسكىندەمەلە­رىنەن تابي­عاتتىڭ سان ءتۇرلى كورىنىسىنە كوز سالساق, ويۋ-تاڭ­بالى ەڭبەكتەرىندە بوياۋدى قۇبىلتىپ وتىرادى. ويۋلى ونەر, ونىڭ تابيعاتپەن, عارىشپەن, تاريحپەن بايلانىسىن اشىپ تۇر­­عانداي. ۇلتتىڭ مادەني ءدىلى­نىڭ قۇ­پياسىنا تەرەڭدەپ بارىپ, ءيىرىم­دەرىن قۇبىلتىپ جىبەرەدى. – ەلباسىنىڭ جولداۋىنداعى سونى تۇجىرىم ءبىزدى, ءاسى­رەسە, ونەر ادامدارىن قاناتتان­دىرۋدا. مەنىڭ شىعار­ماشى­لىعىمنىڭ استارىندا نەگىزىنەن ۇلت بولمىسى كورىنىس تاۋىپ وتىرادى. سودان دا شىعار, شەتەل­دىك كورەرمەندەر ءار سۋرە­تىمدى جىلى قابىلداپ, حا­لىق­تىق بوياۋعا ريزالىق­تارىن ءبىلدىرىپ جاتادى. اسىرەسە, ويۋ تاڭبالى ورنەكتەرگە ءىلتيپاتتارى ەرەكشە اۋادى. وتكەن مەن بۇگىنگىنى ۇشتاستىرا وتىرىپ ۇلتىمىزدىڭ وزىق ۇلگىسىن ءوز ەڭبەكتەرىمدە جاڭ­عىرتىپ, كەيىنگىگە جەتكىزسەم دەگەن نيەتتەمىن, – دەيدى سۋرەت­شى باقتىبەك تالقامباەۆ. شى­عارماشىلىق باسقوسۋدا ونەر­تانۋشى ەرمەك اسىلحانوۆ پەن عالىم ەربولات دالەنوۆ سۋرەت­شى تۋىندىلارىنا جىلى لەبىزدەرىن ءبىلدىردى. ءابدىراحمان قىدىربەك, «ەگەمەن قازاقستان».