«ساعات 08.10 شاماسىندا Mercedes اۆتوكولىگىنىڭ 42 جاستاعى جۇرگىزۋشىسى بۇحار جىراۋ كوشەسىنەن تۇركىستان كوشەسى ارقىلى ورىنبور كوشەسىنە قاراي ءجۇرىپ كەلە جاتىپ, تىزگىنگە يە بولا الماي, الدىندا تۇرعان التى كولىكپەن سوقتىعىسۋىنا سەبەپكەر بولعان. سونىڭ سالدارىنان Mercedes اۆتوكولىگىنىڭ ەكپىنىنەن جول بويىندا تۇرعان KIA Cerato اۆتوكولىگى جول جيەگىنە شىعىپ كەتكەن», دەلىنگەن پوليتسيا دەپارتامەنتىنىڭ ءباسپاوز قىزمەتى تاراتقان اقپاراتتا.
اپات سالدارىنان بىرنەشە ادام زارداپ شەككەن.
ء«تورت جۇرگىزۋشى مەن ءبىر جولاۋشى جاراقات الىپ, مەديتسينالىق كومەك كورسەتۋ ءۇشىن اۋرۋحاناعا جەتكىزىلدى. اتالعان فاكتى بويىنشا انىقتاۋ جۇمىستارى ءجۇرىپ جاتىر. پوليتسيا دەپارتامەنتى جۇرگىزۋشىلەردى قوزعالىس كەزىندە بارىنشا مۇقيات بولۋعا, جىلدامدىق رەجيمىن, قاۋىپسىز قاشىقتىقتى جانە مانەۆر جاساۋ ەرەجەلەرىن مۇلتىكسىز ساقتاۋ كەرەكتىگىن ەسكەرتەدى», دەدى دەپارتامەنت وكىلدەرى.
