جەر-جاھاندا پاندەميانىڭ قايتا ورشۋىنە بايلانىستى كۇنى كەشە عانا حالىقارالىق اۋەسقوي بوكس قاۋىمداستىعىنىڭ (ايبا) باسشىلىعى وسىنداي شەشىم قابىلدادى. جانە دە وسى اقپاراتتى ولار وزدەرىنىڭ رەسمي سايتىندا جاريالادى. «كەيبىر كوماندالاردىڭ الەمدىك دوداعا تىڭعىلىقتى دايارلانعانىن جاقسى بىلەمىز. وسى جاعىمسىز جاڭالىقتى ەستىگەن بەتتە ولاردىڭ كوڭىلدەرى سۋ سەپكەندەي باسىلاتىنى انىق. ارينە, ءبىز ولاردى جاقسى تۇسىنەمىز. بىراق بىزدەر ءۇشىن ەڭ باستىسى – سپورتشىلار مەن باپكەرلەردىڭ جانە وسى سالانىڭ باسى-قاسىندا جۇرگەن ازاماتتاردىڭ دەنساۋلىعى مەن قاۋىپسىزدىگى. سول سەبەپتى دە وسىنداي قادامعا بارۋعا ءماجبۇر بولىپ وتىرمىز», دەيدى ايبا پرەزيدەنتى ۋمار كرەملەۆ.
ءسويتىپ, الەم چەمپيوناتى كەيىنگە شەگەرىلدى. شاماسى ول كەلەسى جىلى سول انادولى ەلىندە وتەدى. بىراق اتالعان جارىستىڭ جالاۋى ناقتى قاي ۋاقىتتا جەلبىرەيتىنى ءالى ناقتىلانعان جوق.
