ەلوردا دامۋىنا ەرەكشە نازار

مەملەكەت باسشىسى نۇرسۇلتان نازارباەۆ استانا قالا­سىنىڭ اكىمى يمانعالي تاسماعامبەتوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. ي.تاسماعامبەتوۆ ەلوردانىڭ الەۋ­­مەتتىك-ەكونوميكالىق دامۋ قورى­تىندىلارى مەن تاياۋ كەزەڭ­دەگى پەرسپەكتيۆالارى تۋرالى حا­بار­دار ەتتى. مەملەكەت باسشىسى استانا ەكونو­ميكاسىندا ونەركاسىپ كولە­مىنىڭ ءوسىمى بايقالاتىنىن جانە جۇم­سالعان قاراجات قازىردىڭ ءوزىن­دە ەلوردانىڭ بيۋدجەتىنە قاي­تا­رى­لىپ جاتقانىن اتاپ ءوتتى. بۇعان قوسا, نۇرسۇلتان نازارباەۆ ەلوردا تۇرعىندارى مەن قوناقتارى ءۇشىن قالانىڭ قولايلىلىعى مەن جاي­لىلىعىن ارتتىرۋعا باعىت­تال­عان دامىتۋ جوبالارىنىڭ ودان ءارى ىسكە اسىرىلۋىنا نازار اۋداردى. كەزدەسۋ بارىسىندا استانا اكىمى قۇرىلىس سالاسىنداعى جۇ­مىس­تىڭ قورىتىندىلارى تۋرالى باياندادى. اتاپ ايتقاندا, 2013 جىلى 1 ميلليون شارشى مەتردەن استام تۇرعىن ءۇي پايدالانۋعا بەرىلگەن. بۇدان بولەك, ي.تاس­ما­عام­­بەتوۆ بيىل قالادا ءۇش اۋىسىم­مەن وقىتۋدى توقتاتۋ جوس­پارلانىپ وتىرعانىن, ال 2020 جىلعا قاراي مەكتەپكە دەيىنگى 100 مەكەمە سالىناتىنىن ايتتى. سون­داي-اق, وتكەن جىلى 78 مىڭعا جۋىق ادام ەلورداعا تۇپكىلىكتى قونىس­تانۋ ءۇشىن كوشىپ كەلگەنى اتاپ ءوتىلدى. كەزدەسۋ قورىتىندىسىندا مەم­­­لەكەت باسشىسى قارالعان ءما­سەلە­لەر بويىنشا بىرقاتار ناقتى تاپ­سىرمالار بەردى.