ۆ.جيرينوۆسكيدىڭ مالىمدەمەسىنە قاتىستى

قازاقستان رەسپۋبليكاسى سىرتقى ىستەر مينيسترلىگىنىڭ رەسمي وكىلى جانبولات ۇسەنوۆ باق وكىلدەرىنىڭ الدىندا مالىمدەمە جاسادى. وندا ول 2014 جىلعى 23 اقپان كۇنى ءماس­كەۋدە رەسەي ليبەرال-دەموكراتيالىق پارتيا­سى (رلدپ) فراكتسياسىنىڭ توراعاسى, رەسەي فە­دە­راتسياسى مەملەكەتتىك كەڭەسىنىڭ مۇشەسى ۆلا­ديمير جيرينوۆسكي ميتينگتە ءسوز سويلەي وتى­رىپ, ورتالىق ازيا مەملەكەتتەرىن, سونىڭ ءىشىن­دە قازاقستاندى رەسەي فەدەراتسياسىنىڭ قۇرا­مىنا كىرگىزۋگە شاقىرعانىن اتاپ كورسەتتى. جيرينوۆسكي رەسمي تۇلعا, رف مەملەكەتتىك دۋماسىنىڭ دەپۋتاتى, ءىرى ساياسي پارتيانىڭ باسشىسى بولىپ تابىلادى. ءبىزدىڭ پىكىرىمىزشە, وسىنداي جوعارى مەملەكەتتىك لاۋازىمدارعا يە ادام ءوزىنىڭ كوپشىلىك الدىندا جاسايتىن ءما­لىمدەمەلەرىنە ۇلكەن جاۋاپكەرشىلىكپەن قا­راۋى ءتيىس. ونىڭ ۇستىنە, بۇل ساياساتكەر ءبىز­دىڭ ەلىمىزگە قاتىستى جول بەرىلمەيتىن ءما­لىم­دەمەلەردى ءبىرىنشى رەت ايتىپ وتىرعان جوق. ءبىز وسىعان دەيىن بىرنەشە رەت مالىمدەگەندەي, قازاقستاننىڭ ەگەمەندىگى, تاۋەلسىزدىگى مەن تەرريتوريالىق تۇتاستىعىنا قول سۇعۋعا جول بەرىلمەيدى جانە مۇنداي ارەكەتتەر قازاق­ستاننىڭ مەملەكەتتىك ورگاندارى تاراپىنان شەشىمدى تۇردە جاۋاپ الاتىن بولادى. وسىعان وراي, ءبىز رف سىرتقى ىستەر مينيسترلىگى اتىنا رەسمي نوتا ازىرلەدىك. وندا ءبىز رەسەيلىك تاراپتى قازاقستان مەن رەسەي اراسىندا قالىپتاسقان وداقتاستىق رۋح پەن ستراتەگيالىق ارىپتەستىك قارىم-قاتىناسىنا جيرينوۆسكيدىڭ سوزدەرى قانشالىقتى سايكەس كەلەتىنىنە رەسمي باعا بەرۋىن سۇرادىق. قازىرگى تاڭدا قر سىرتقى ىستەر مينيسترلىگى جيرينوۆسكيگە قاتىستى ديپلوماتيالىق سيپاتتاعى ارنايى شارالاردى قولدانۋ مۇمكىندىگىن قاراستىرۋدا, دەدى ول.