«جالپى ەپيدەميولوگيالىق جاعداي تۇراقتى بولىپ تۇر. ينفەكتسيالىق اۋرۋحانالارداعى ورىنداردىڭ جۇكتەمەسى 30 پايىز, ال رەانيماتسيالىق ورىنداردىڭ جۇكتەمەسى 26 پايىزدى قۇراپ وتىر. دەگەنمەن, بۇل اۋرۋدىڭ ەۋروپانىڭ بىرقاتار ەلدەرىندە جانە دە شەكارالاس ەلدەردە وسكەنىن ەسكەرسەك, سانيتاريالىق تالاپ ءىس-شارالارى جاپپاي ساقتالۋعا ءتيىس. بارلىق وڭىرلەردە اكىمدىكتەر سانيتاريالىق تالاپتاردىڭ ساقتالۋىن باقىلايتىن مونيتورينگ توپتارىنىڭ جۇمىسى مەن تيىمدىلىگىن كۇشەيتسىن. سانيتاريالىق رەجيمدى بۇزۋعا جول بەرگەندەرگە قاتاڭ شارا قولدانۋ كەرەك», دەدى ۇكىمەت باسشىسى.
ونىڭ دەرەگىنشە, قازىرگى ۋاقىتتا 8,5 ملن-نان استام ادام ءبىرىنشى كومپونەنتتى, 7,7 ملن ادام ەكىنشى كومپونەنتتى سالدىردى. ال 22 قاراشادان باستاپ رەۆاكتسيناتسيالاۋ باستالادى.
«وسىعان بايلانىستى ەگۋ پۋنكتتەرىنىڭ, مەديتسينا ۇيىمدارى مەن مەديتسينا جۇمىسكەرلەرىنىڭ ازىرلىگىن قامتاماسىز ەتۋ قاجەت», دەگەن اسقار مامين جالپى باقىلاۋدى ورىنباسارى ەرالى توعجانوۆقا جۇكتەدى.
