جارىستىڭ العاشقى كۇنى توسىن ناتيجەلەر تىركەلگەن جوق. 55 كيلو سالماقتاعى نەگىزگى باسەكەلەستىك شىمكەنتتىك ارلي چونتەي مەن تالدىقورعاندىق ابىلاي اۋەلحانوۆ اراسىندا ءوربىدى. ەكەۋى دە وتە مىقتى سپورتشى. 29 جاستاعى ارلي – ازيا چەمپيونى, الەم چەمپيوناتىنىڭ كۇمىس جانە دۇنيەجۇزىلىك ۋنيۆەرسيادانىڭ قولا جۇلدەگەرى. 18 جاستاعى ابىلاي جاستار اراسىنداعى الەم بىرىنشىلىگىنىڭ جەڭىمپازى, الەم كۋبوگىنىڭ يەگەرى, قۇرلىق بىرىنشىلىگىنىڭ كۇمىس جۇلدەگەرى. بۇل تارتىستا تاجىريبەلى چونتەي جەڭىسكە جەتتى. قوسسايىس قورىتىندىسى بويىنشا ول 257 (116+141) كيلو سالماقتى ەڭسەردى. كۇمىس مەدالدى موينىنا ىلگەن اۋەلحانوۆتىڭ كورسەتكىشى – 246 (109+137) كيلو.
وزگە سالماقتاردا مىنا سپورتشىلار جەڭىس تۇعىرىنىڭ ەڭ بيىك ساتىسىنا كوتەرىلدى: ەرلەر: 61 كيلو – الەكسەي دروزدوۆ, 67 كيلو – اقمولدا سايرامكەز. ايەلدەر: 45 كيلو – يۋليا پوتاسوۆا, 49 كيلو – ناتاليا ششۋپاكوۆا, 55 كيلو – ايگەرىم اۋەلبەك جانە 59 كيلو – گۇلنۇر ىبىراي. بۇل زىلتەمىرشىلەردىڭ بارلىعى دا الماتى وبلىسىنان.
