جاڭا توراعانىڭ قىزمەتىنە تابىس تىلەدى

كەشە «نۇر وتان» پارتيا­سى توراعاسىنىڭ ءبىرىنشى ورىن­باسارى باۋىرجان باي­بەك جامبىل وبلى­سى­نا ساپارمەن كەلدى. ول وڭىردەگى جۇمىسىن ءمۇم­كىن­دىگى شەكتەۋلى ازاماتتار­دى جۇمىسقا تارتۋ ءۇشىن ۇيىم­داستىرىلعان بوس قىزمەت ورىندارىنىڭ جارمەڭكەسىن كورۋدەن باستادى. بوس جۇمىس ورىندارى ءجار­مەڭكەسى مەملەكەت باسشىسىنىڭ قا­زاقستان حالقىنا ارناعان بيىل­عى جولداۋىندا ايتىلعان تاپسىرمالاردى ىسكە اسىرۋ ماقساتىندا «نۇر وتان» پارتياسىنىڭ باس­تاماسىمەن ۇيىمداستىرىلعان ەدى. وسىعان وراي وبلىس ورتا­لى­عىندا وتكەن جارمەڭكەدە 28 جۇمىس بەرۋشى مەكەمە 218 بوس جۇ­مىس ورىن­دارىن ۇسىندى. ەلىمىزدىڭ «حالىقتى جۇ­مىس­پەن قامتۋ تۋرالى» زاڭىنا ءساي­كەس, مۇگەدەكتەر ەڭبەك رىنوگىندا قوسىمشا قولداۋدى قاجەت ەتەتىن نىسانالى توپتار ساناتىنا ەنگىزىلگەن. ولارعا جۇمىسپەن قام­تۋدىڭ بەلسەندى تۇرلەرىنە, سونىمەن قاتار, «جۇمىسپەن قامتۋ - 2020» جول كارتاسىنا قاتىسۋعا دا با­سىمدىق بەرىلگەن. وتكەن جىلى جۇمىسپەن قامتۋ ماسەلەلەرى بويىنشا ۋاكىلەتتى ورگاندارعا 19009 ادام كەلىپ, ونىڭ 87,8 پايىزى جۇمىسقا ورنالاسىپتى. ونىڭ ىشىندە 352 مۇمكىندىگى شەكتەۋلى ازاماتتىڭ 194-ءى تۇ­راق­تى جۇمىس ورنىن تاپسا, اقىلى قوعامدىق جۇمىستارعا – 76, الەۋمەتتىك جۇمىس ورىندارىنا – 26, جاستار پراكتيكاسىنا 8 ازامات جولداما العان. ال اعىمداعى جىلدىڭ قاڭتار ايىندا ءوتىنىش بەرگەن 48 مۇگەدەكتىڭ 12-ءسى تۇراقتى جۇ­مىس­قا ورنالاسىپ, 13-ءى اقىلى قو­عامدىق جۇمىستارعا تارتىلعان. جالپى, وبلىس ورتالىعىنداعى جۇمىس بەرۋشىلەر تاراپىنان ءجار­مەڭ­كەگە جينالعان ازامات­تار­دىڭ 100-دەن استامى تۇسكە دەيىن-اق وتباسىنا «ەكى قولعا ءبىر جۇ­مىس» تاۋىپ, قۋانىپ قايتتى. «نۇر وتان» پارتياسى ەلىمىز بويىن­شا ءمۇم­كىندىگى شەكتەۋلى 5000 ازا­مات­تى قىزمەتپەن قامتۋدى الدارى­نا ماقسات ەتىپ قويىپتى. ب.بايبەكتىڭ ايتۋىنشا, ءار وبلىس مۇمكىندىگى شەكتەۋلى 500 ادام­عا لايىقتى قىزمەت تاۋىپ بە­رۋ­دى ۇيىم­داستىرسا, وندا بۇل ماق­سات­تى اسىرا ورىنداۋعا دا بو­لادى. پارتيا توراعاسىنىڭ ءبى­رىن­شى ورىنباسارى بۇدان كەيىن مۇ­حام­مەد حايدار دۋلاتي اتىن­داعى تاراز مەملەكەتتىك ۋنيۆەر­سي­تەتىنىڭ ءماجىلىس زالىندا ءوت­كەن «نۇر وتان» پارتياسى وبلىس­تىق فيليالىنىڭ كەزەكتەن تىس ءحىىى كونفەرەنتسياسىنا قاتىستى. وندا ۇيىمداستىرۋ ماسەلەسى قارا­لىپ, كونفەرەنتسيا دەلەگات­تا­رى پارتيانىڭ وبلىستىق فيليا­لىنىڭ توراعالىعىنا ۇسى­­نىل­عان وبلىس اكىمى كارىم كوكى­رەك­باەۆتىڭ كانديداتۋراسىن ءبىراۋ­ىزدان قولدادى. كانديداتتى فيليال­عا پارتيا توراعاسىنىڭ ءوزى ۇسىن­عانىن ايتا كەلىپ, باۋىرجان بايبەك جاڭا توراعانىڭ قىزمەتىنە تابىس تىلەدى. سونداي-اق, قازاقستاننىڭ الەم­نىڭ ەڭ دامىعان 30 ەلىنىڭ قاتا­رىنان ورىن الۋى جونىندەگى ەل­باسى نۇرسۇلتان نازارباەۆ قوي­عان مىندەتكە وراي پارتيانىڭ الدىندا تۇرعان باعدارلامالاردى ءتۇسىندىرىپ, سوعان بايلانىستى ويلارىن ورتاعا سالدى. كوسەمالى ساتتىباي ۇلى, «ەگەمەن قازاقستان». جامبىل وبلىسى. سۋرەتتى تۇسىرگەن التىنبەك قارتاباي.