قازاقستاننىڭ ءبىرىنشى راكەتكاسى, ITTF رەيتينگىندە 46-ساتىعا جايعاسقان كيريلل گەراسيمەنكو اتالعان جارىستا تابىستى ونەر كورسەتتى. باستاپقى باسەكەلەردە ماجارستاندىق بەنتس مايروش, جاپونيالىق حيروتو شينوزۋكا جانە ۇلىبريتانيالىق پول درينكحولدان باسىم تۇسكەن ول جارتىلاي فينالدا قىتايلىق ليۋ دينشونى قاپى قالدىردى. فينالدا جەرلەسىمىزدىڭ جولى الەمدىك رەيتينگتە 12-ورىندا تۇرعان الەم بىرىنشىلىگىنىڭ قولا جۇلدەگەرى, ازيانىڭ ەكى دۇركىن چەمپيونى ليان تسزينكۋنمەن قيىستى. بۇل تارتىس 4:0 ەسەبىمەن قىتاي وكىلىنىڭ پايداسىنا شەشىلدى. ءبىزدىڭ كيريلل سلوۆەنيا ساپارىن كۇمىس مەدالمەن اياقتادى.
