بەرىك قورعان, التىن ارقاۋ

«اعاش تامىرىمەن مىقتى, ادام دوس-جارىمەن مىقتى». مەم­لەكەتتەر اراسىنداعى ەكونو­ميكالىق جانە مادەني بايلا­نىستاردىڭ مىسالى دا سول سياقتى. ەجەلگى ەلدەردىڭ ءوز شەكارالارىن قالىڭ قامالمەن قورشاپ الاتىن زامان كەلمەسكە كەتتى. ەندىگى جەردە ءوزارا دوستىق پەن سىيلاستىق قانا كەز كەلگەن مەملەكەتتەر ارا­سىن­داعى بەرىك قورعان, التىن ارقاۋ بولا الادى. كەدەندىك ستاتيستيكا ءمالى­مەت­تەرى بويىنشا سىرتقى ساۋدا اينالىمى وڭىردە 2013 جىلدىڭ قاڭتار-قاراشاسىندا 548,7 ميلليون اقش دوللارىن نەمەسە 2012 جىلدىڭ ءتيىستى كەزەڭىندە 120,1% قۇرادى. ونىڭ ىشىندە ەكسپورت – 155,7 ميلليون اقش دوللارى, ال يمپورت – 393,0 ميلليون اقش دوللارى بولدى. كەدەندىك وداق شەڭبەرىندە 2013 جىلدىڭ قاڭتار-قاراشاسىندا وبلىستا رەسەي مەن بەلارۋس ەل­دەرىمەن ساۋدا اينالىمى 66,6 ميل­ليون اقش دوللارىن قۇراسا, بۇل 2012 جىلدىڭ ءتيىستى كەزەڭىنەن 43,9-عا كەم. رەسەي – 55, 4 ميلليون اقش دوللارى, بەلارۋس – 11, 2 ميلليون اقش دوللارى. ونىڭ ىشىندە ەكسپورت – 13,8 ميل­ليون اقش دوللارى, يمپورت – 52,8 ميلليون اقش دوللارى. وبلىس اكىمى كارىم كوكىرەكباەۆ الداعى ۋاقىتتا اتالعان مەملەكەت­تەر اراسىنداعى بىرلەسكەن كاسىپ­ورىنداردىڭ سانى مەن ساپاسىن ارتتىرا وتىرىپ, سىرتقى ساۋدا-ساتتىقتىڭ تابىسىن بۇرىنعىدان دا ۇلعايتا ءتۇسۋدى ماقسات ەتىپ وتىر. وبلىستا 2013 جىلى بولشەك ساۋدا اينالىمىنىڭ كولەمى 146,2 ميلليارد تەڭگەنى قۇراپ, 2012 جىلمەن سالىستىرعاندا 30,8%-عا ءوستى. كوتەرمە ساۋدا اينالىمى 192,7 ميلليارد تەڭگەگە جەتىپ, 24,4%-عا كوتەرىلدى. كوسەمالى ساتتىباي ۇلى, «ەگەمەن قازاقستان». جامبىل وبلىسى.