جەكەلەگەن سپورتشىلار اراسىندا ەڭ ۇزدىك كورسەتكىش UAE Team Emirates كلۋبىنىڭ مۇشەسى تادەي پوگاچارعا تيەسىلى. 23 جاستاعى سلوۆەنيانىڭ ساڭلاعى بيىل «تۋر دە فرانستا» توپ جارىپ, تاعى بىرقاتار جارىستا جەڭىس تۇعىرىنا كوتەرىلدى. ەكىنشى جانە ءۇشىنشى ورىنداردى بەلگيانىڭ بەتكەۇستارى ۆاۋت ۆان ارت پەن سلوۆەنيانىڭ تاعى ءبىر سايىپقىرانى پريموج روگليچ يەلەندى. بۇل سپورتشىلاردىڭ ەكەۋى دە Jumbo-Visma كلۋبى ساپىندا ونەر كورسەتەدى. «استانانىڭ» ەڭ ۇزدىك ۆەلوشاباندوزدارى – الەكساندر ۆلاسوۆ پەن الەكسەي لۋتسەنكو 35 جانە 39-ورىندارعا جايعاستى.
كوماندالار اراسىندا بەلگيانىڭ Deceuninck – Quick-Step, ۇلىبريتانيانىڭ INEOS Grenadiers جانە نيدەرلاندتىڭ Jumbo-Visma كلۋبتارى ۇزدىك ۇشتىكتىڭ قاتارىندا. «استانا» 13-ورىندى ەنشىلەدى. ۇلتتىق قۇرامالار رەيتينگىندە بەلگيانىڭ ۆەلوشاباندوزدارى جەكە-دارا كوش باستاپ تۇر. قازاقستان بۇل تىزىمدە 23-ساتىعا تابان تىرەدى.
