ۆەدومستۆونىڭ مالىمەتىنشە, قايعىلى جاعداي بۇگىن ساعات 11:53 قىزىلسۋات اۋىلىندا بولدى. انىقتالعانداي, جەكە تۇرعىن ءۇي اۋماعىنداعى اۆتونومدى گازبەن جىلىتۋ ورناتىلعان جەردە گازگولدەردىڭ قۇدىعىن اشۋ كەزىندە گازدى-اۋا قوسپاسى جارىلعان. سالدارىنان ءۇي يەسى - 1948 جىلى تۋعان ەر ادام سول جەردە كوز جۇمدى. ءورت بولعان جوق.
«قازىرگى كەزدە جارىلىستىڭ شىعۋ سەبەپتەرى انىقتالۋدا. سوت-مەديتسينالىق ساراپتاما تاعايىندالدى. وقيعا ورنىندا تجد, پوليتسيا جانە جەدەل جاردەم قىزمەتكەرلەرى جۇمىس ىستەپ جاتىر», دەلىنگەن حابارلامادا.
وسى رەتتە, اقمولا وبلىسى تج دەپارتامەنتىنىڭ قىزمەتكەرلەرى وبلىس تۇرعىندارىنان قاۋىپسىزدىك شارالارىن ساقتاۋدى سۇرايدى.
