ەسكە سالايىق, 7 قاراشا كۇنى ساعات 08:24-تە «ارسەلورميتتال تەمىرتاۋ» اق كومىر دەپارتامەنتىنىڭ «اباي» شاحتاسىندا كومىر مەن گاز جارىلىسى بولدى.
قاراعاندى وبلىسىنىڭ اكىمى جەڭىس قاسىمبەكتىڭ مالىمەتىنشە, بۇل كەزدە جەر استىندا 64 ادام بولعان. قازىر 52 ادام جەر بەتىنە شىعارىلدى.
«الدىن الا اقپارات بويىنشا 6 ادام قازا تاپتى. 2 ادامنىڭ جاعدايى اۋىر. قازىرگى ۋاقىتتا ۆاسس كومىر كۇشتەرى قۇتقارۋ جۇمىستارىن جالعاستىرۋدا. قازا بولعانداردىڭ تۋىستارى مەن جاقىندارىنا كوڭىل ايتامىن. قازا تاپقانداردىڭ وتباسىلارىنا قاجەتتى جاردەم كورسەتىلەدى», دەپ جازدى ج.قاسىمبەك.
جۇمىس بارىسىندا ساعات 09:50-دە كەنجاردىڭ بەرگى جاعىندا ەكى شاحتيور ءتىرى تابىلدى, ال ساعات 10:05-تە قالعان 6 كەنشىنىڭ دەنەلەرى تابىلدى. شاحتانىڭ قالعان قىزمەتكەرلەرى زارداپ شەككەن جوق.
