باسەكەلەر باكۋدە وتەدى

سپورتتىڭ بۇل ءتۇرى وليمپيادا باعدارلاماسىنا 2000 جىلى عانا ەنگىزىلگەنىمەن, الەم چەمپيونا­تى سوناۋ 1964 جىلدان بەرى ۇزدىك­سىز ۇيىمداستىرىلىپ كەلەدى. سول ارالىقتا 24 مارتە جالاۋى جەل­بىرەگەن جارىستا ەڭ ۇزدىك ناتي­جەگە رەسەي قۇراماسى قول جەت­كىزگەن ەكەن. ولار 198 (94 التىن+54 كۇمىس+51 قولا) جۇلدە العان. ەكىنشى جانە ءۇشىنشى ورىنداردا – اقش پەن قىتاي كومان­دالا­رى. امەريكالىقتار 183 مارتە (69+62+52) جەڭىس تۇعىرىنا كوتە­رىلسە, اسپاناستى ەلىنىڭ وكىلدەرى 88 رەت (51+29+8) ءدال سونداي قۇر­مەتكە بولەنىپتى. فرانتسيا (26+23+27) مەن ۇلىبريتانيا (20+32+29) ۇزدىك بەستىكتى قورى­تىندىلايدى. سونداي-اق توپ-10 كو­ماندانىڭ قاتارىندا كانادا (17+27+23), اۋستراليا (14+15+18), پورتۋگاليا (11+8+10), بە­لارۋس (10+21+17) جانە گەر­مانيا (7+17+13) قۇرامالا­رى بار.

جەكەلەگەن سپورتشىلار جايىن­دا ايتار بولساق, ەرلەر اراسىندا كەزىندە امەريكالىق دەۆيد ياكوبس (1967, 1968) پەن ۋەين ميللەر (1966, 1970), فرانتسيالىق ريشار تيسون (1974, 1976) مەن ليونەل پيولاين (1984, 1986) جانە كسرو-نىڭ وكىلى ەۆگەني يانەس (1976, 1978) ەكى رەتتەن الەم چەمپيوندارى اتانعان ەدى. ۋا­قىت وزا ولاردىڭ ال­دىن ەۆگەني موسكالەنكو وراپ كەتتى. رەسەيدىڭ كراس­نودار ولكەسىنىڭ تۋماسى بۇل بەلەستى باقانداي بەس رەت (1990, 1992, 1994, 1999, 2001) باعىن­دىردى.

ءبىر كەرەمەتى, 2007 جىلدان بەرى ەرلەردىڭ جەكەلەگەن سايىسىندا قىتاي قۇراما كومانداسىنىڭ مۇ­شەلەرى الدارىنا جان سالار ەمەس. سول ارالىقتا شىمىلدىعى تۇ­رىلگەن 10 جارىستىڭ بارلىعىندا دا اسپاناستى ەلىنىڭ سپورتشىلارى ايقىن باسىمدىق تانىتتى. ال دانيانىڭ ودەنسە, بولگاريانىڭ سوفيا, رەسەيدىڭ سانكت-پەتەربۋرگ جانە جاپونيانىڭ توكيو قالا­لارىندا وتكەن سوڭعى ءتورت جارىستا گاو لەيدىڭ الدىنا تۇسەر ەشكىم تابىلمادى. وزگە ەلدىڭ ەڭ ماق­تاۋلى سپورتشىلارىنا تەك كۇمىس پەن قولا مەدالدى قاناعات تۇتۋلارىنا تۋرا كەلدى.

ايەلدەر اراسىنداعى العاشقى ءتورت الەم چەمپيوناتىندا اقش وكىلى دجۋدي ۋيللس كلاين (1964-68) تەڭدەسسىز دەپ تانىلدى. ۋا­قىت وزا يرينا كاراۆاەۆانىڭ شوقتىعى بيىك بولدى. ول بەس رەت (1994, 1998, 1999, 2005, 2007) ال­تىننان القا تاقتى. قازىرگى كەزدە بۇرىمدىلار باسەكەسىندە قىتاي, كانادا, بەلارۋس جانە جاپونيانىڭ وكىلدەرى تابىس­تى ونەر كورسەتىپ, كوپشىلىكتىڭ قوشەمەتىنە بولەنۋدە.

جالپى, سپورتتىڭ بۇل تۇرىنەن الەم چەمپيوناتىندا 14 جۇلدە جيىنتىعى ساراپقا سالىنادى. جوعارىدا ءبىز تىلگە تيەك ەتكەن ەرلەر مەن ايەلدەردىڭ جەكەلەگەن سايىستارىنان بولەك, ارالاس سينحروندى سەكىرۋ, شاعىن ترامپ, اكروباتيكالىق جولاق, جە­كەلەگەن كوپسايىس جانە وسى جات­تىعۋلاردىڭ بارلىعىنان كو­مان­دالىق باسەكەلەر ۇيىمداس­تى­رىلادى. ال وسىنىڭ الدىنداعى الەمدىك دودا 2019 جىلى توكيودا ءوتتى. كۇنشىعىس ەلىندە مىنا ەل­دەر­دىڭ وكىلدەرى جەڭىس تۇعىرىنا كو­تەرىلدى:

جەكەلەگەن سايىس (ەرلەر):

1. گاو لەي (قىتاي), 2. يۆان ليت­ۆي­­نوۆيچ (بەلارۋس), 3. دۋن دۋن (قى­­تاي). جەكەلەگەن سايىس (ايەل­دەر): 1. موري حيكارۋ (جاپونيا), 2. دويحاتو تيساتو (جاپونيا), 3. رو­زاننا ماكلەننان (كانادا). سينحروندى سەكىرۋ (ەرلەر):
2. تاساكي كاتسۋفۋمي/مۋنەموتو گينگا (جاپونيا), 2. ولەگ ريابتسەۆ/ۆلاديسلاۆ گونچاروۆ (بەلارۋس), 3. ميحايل مەلنيك/سەرگەي ازاريان (رەسەي). سينحروندى سە­كىرۋ (ايەلدەر): 1. يۋمي تاگاگي/ايانو كيسي (جاپونيا), 2. اننا كورنەتسكايا/سۋسانا كوچەسوك (رە­­سەي), 3. سامانتا سميت/تام رەچەل (اقش). سينحروندى سە­كى­رۋ­دەن كوماندالىق سايىس (ەرلەر): 1. بەلارۋس, 2. قىتاي,
3. رە­سەي. سينحروندى سەكىرۋدەن كو­مان­دالىق سايىس (ايەلدەر): 1. جا­پونيا, 2. ۇلىبريتانيا, 3. كا­نادا. اكروباتيكالىق جو­لاق (ەرلەر): 1. الەكساندر لي­سيتسين (رەسەي), 2. ەليوت براۋن ( ۇلىبريتانيا), 3. كەيدەن براۋن (اقش). اكروباتيكالىق جولاق (ايەلدەر): 1. ۆيكتوريا دانيلەنكو (رەسەي), 2. شەنيس دەۆيدسون ( ۇلىبريتانيا), 3. كەيلي مەگان ( ۇلىبريتانيا). اكروباتيكالىق جولاقتان كوماندالىق سايىس (ەرلەر): 1. ۇلىبريتانيا, 2. رەسەي,
4. اقش. اكروباتيكالىق جولاقتان كوماندالىق سايىس (ايەلدەر):
5. ۇلىبريتانيا, 2. رەسەي,
6. فران­­تسيا. شاعىن ترامپ (ەرلەر): 1. ميحايل زالومين (رەسەي), 2. رۋبەن پاديللا (اقش),
7. الەك­­ساندر گەنكەرت (اقش). شا­عىن ترامپ (ايەلدەر): 1. لينا ستروي­بەرگ (شۆەتسيا), 2. ديبب برونۆين (اۋستراليا), 3. الەك­ساندرا بونارتسەۆا (رەسەي). شاعىن ترامپتان كوماندالىق سايىس (ەرلەر): 1. رەسەي, 2. اقش, 3. پور­تۋگاليا. شاعىن ترامپتان كومان­دالىق سايىس (ايەلدەر): 1. اقش, 2. ۇلىبريتانيا, 3. رەسەي. جەكە­لەگەن كوپسايىس: 1. رەسەي, 2. اقش, 3. قىتاي.

باتۋتتا سەكىرۋدەن وليمپيا ويىن­دارىندا نەبارى ەكى جۇلدە جيىنتىعى عانا ساراپقا سالىنادى. بۇل رەتتە وزگەلەردەن قىتاي­دىڭ كوشى ىلگەرى. بەس عالامدىق دودانىڭ ناتيجەسى بويىنشا اسپاناستى ەلىنىڭ وكىلدەرى 4 التىن, 4 كۇمىس جانە 6 قولا مەدالمەن شاشالارىنا شاڭ جۇقتىرعان ەمەس. ودان كەيىنگى ورىنداردا كانادا (2+3+2), رەسەي (2+2+0), بەلا­رۋس (2+0+0), ۋكراينا (1+1+0), گەرمانيا (1+0+1), ۇلى­بريتانيا (0+1+1), اۋستراليا (0+1+0), جاڭا زەلانديا (0+0+1) جانە وزبەكستان (0+0+1) قۇرا­مالارى. بيىل توكيودا الاۋ­ى تۇتانعان وليمپيادانىڭ ەرلەر باسەكەسىندە بەلارۋستىق يۆان ليتۆينوۆيچ باس جۇلدەنى ولجالادى. ول قىتايدىڭ ەكى بىردەي ءدۇلۇلدى – دۋن دۋن مەن ديلان ءشميدتى ارتتا قالدىردى. ءبىر كەرەمەتى, وليمپيا ويىندارىندا بەلارۋس وكىلدەرى قاتارىنان ەكىنشى مارتە التىن تۇعىرعا كو­تەرىلدى. وسىدان بەس جىل بۇرىن ريو-دە-جانەيرودا وتكەن جارىستا ۆلاديسلاۆ گونچاروۆ توپ جارعان ەدى. ال ايەلدەر سايىسىندا قىتايلىق چجۋ سيۋەين مەن ليۋ لينلين التىن مەن كۇمىس مەدالدى ءوزارا بولىسسە, ۇلىبريتانيالىق بريوني بەيدج قولاعا قول سوزدى.