جامبىل وبلىسىنىڭ پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى 10 ايدا ەسىرتكى قىلمىسىنىڭ 630 دەرەگىن, ونىڭ ىشىندە ەسىرتكى وتكىزۋدىڭ 118 دەرەگىن, اسا ءىرى كولەمدە ساقتاۋدىڭ 59, ەسىرتكى, پسيحوتروپتىق نەمەسە ۋلى زاتتارمەن جۇمىس ىستەۋ قاعيدالارىن بۇزۋدىڭ 1 دەرەگىن, قىلمىستىق تەرىس قىلىقتىڭ 409, ەسىرتكى قۇرالدارىن كونتراباندالاۋدىڭ 18 دەرەگىن جانە ەسىرتكى بار وسىمدىكتەر ءوسىرۋدىڭ 22 دەرەگىن, بۇتالاردى جويۋدىڭ 582 دەرەگىن انىقتادى.
زاڭسىز اينالىمنان 3 توننا 248 كەلى ەسىرتكى زاتى الىندى, بۇل وتكەن جىلمەن سالىستىرعاندا 280 كەلىگە ارتىق. اتاپ ايتقاندا, 105 كەلىدەن استام گاشيش, 1 كەلى 35 گر گەروين جانە 1 كەلىدەن استام سينتەتيكالىق ەسىرتكى تاركىلەندى.
«سونىمەن قاتار, جەر جىرتۋ, شابۋ جانە ورتەۋ ارقىلى 112 توننادان استام جابايى قاراسورا جويىلدى, بۇل وتكەن جىلمەن سالىستىرعاندا 62 تونناعا جوعارى. بۇل باعىتتاعى جۇمىستار جالعاسىپ جاتىر», دەدى جامبىل وبلىسىنىڭ پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ باستىعى اسقار جۇمابەكوۆ.
