«2018 جىلدان باستاپ ەۋرو-5 ەكولوگيالىق ستاندارتقا اۋىستىرىلدى. جەرگىلىكتى اتقارۋشى ورگاندارىمەن بىرلەسىپ, 2030 جىلعا دەيىن بارلىق قالالىق جولاۋشىلار كولىگىن ەكولوگيالىق تازا جانارمايعا اۋىستىرۋعا قاجەتتى جۇمىستار جۇرگىزىلىپ جاتىر. اۆتوكولىك قۇرالدارىنىڭ نورماتيۆتىك تەحنيكالىق جاي-كۇيىن جانە زياندى زاتتار شىعارىندىلارى نورمالارىن ساقتاۋ ءۇشىن تەحنيكالىق تەكسەرۋ ورتالىقتارىنىڭ جانە كولىك يەلەرىنىڭ تەحنيكالىق تەكسەرۋدەن جالعان وتكەنى ءۇشىن جاۋاپكەرشىلىگىن كۇشەيتۋ جۇمىسى ءجۇرىپ جاتىر», دەدى ول ۇكىمەت وتىرىسىندا.
ۆيتسە-ءمينيستردىڭ مالىمەتى بويىنشا, 2025 جىلعا دەيىن بارلىق تەحنيكالىق نورماتيۆتەر حالىقارالىق ستاندارتقا سايكەستەندىرىلىپ, قابىلدانعان شارالار 2030 جىلعا دەيىن جۇك كولىگىنىڭ كەمىندە 30% جانە جەڭىل كولىكتەردىڭ شامامەن 70% ەكولوگيالىق تازا جانارمايعا اۋىستىرۋعا مۇمكىندىك بەرەدى.
