De Montfort University Kazakhstan-نىڭ رەسمي اشىلۋ سالتاناتىنا قر پرەمەر-ءمينيسترىنىڭ ورىنباسارى ەرالى توعجانوۆ, الماتى اكىمى باقىتجان ساعىنتاەۆ, قر مادەنيەت جانە سپورت ءمينيسترى اقتوتى رايىمقۇلوۆا, قر ءبىلىم جانە عىلىم ۆيتسە-ءمينيسترى شولپان كارينوۆا, ۇلىبريتانيانىڭ حالىقارالىق ساۋدا ءمينيسترى رانيل دجاياۆاردەن, ۇلىبريتانيانىڭ قازاقستانداعى ەلشىسى كەتي ليچ قاتىستى.
قر پرەمەر-ءمينيسترىنىڭ ورىنباسارى ە. توعجانوۆ قۇتتىقتاۋ سوزىندە De Montfort University Kazakhstan ەلىمىزدەگى عانا ەمەس, ورتالىق ازياداعى وزىق جوعارى وقۋ ورىندارىنىڭ ءبىرى بولاتىنىنا سەنىم ءبىلدىردى.
«ۋنيۆەرسيتەتتىڭ نەگىزگى ارتىقشىلىقتارىنىڭ ءبىرى – تۇلەكتەردىڭ باسەكەگە قابىلەتتىلىگى. باس جوعارى وقۋ ورنىن بىتىرگەن جاستاردىڭ 97%-ى وقۋ بىتىرگەننەن كەيىن جارتى جىل ىشىندە جۇمىس تابادى جانە IBM, Microsoft, BMW سياقتى كومپانيالاردا جۇمىس ىستەيدى», دەدى ە. توعجانوۆ.
پرەمەر-مينيستر ورىنباسارىنىڭ ايتۋىنشا, جوو جىل سايىن جالپى قابىلداۋ سانىنىڭ كەمىندە 7% كولەمىندە قازاقستان ازاماتتارىنا گرانتتار مەن ستيپەنديالار بولەدى دەگەن ۋاعدالاستىققا قول جەتكىزىلگەن.
ء«بىز قازاقستاندىق فيليالدىڭ تۇلەكتەرى انگلياداعى كامپۋس تۇلەكتەرى سياقتى باسەكەگە قابىلەتتى بولادى دەپ ۇمىتتەنەمىز», دەدى ە. توعجانوۆ.
ءوز كەزەگىندە الماتى اكىمى ب. ساعىنتاەۆ الماتى قالاسىنىڭ كرەاتيۆتى يندۋستريالار ساياساتىن جۇزەگە اسىرۋدا ۋنيۆەرسيتەتتىڭ ەرەكشە ءرول اتقاراتىنىن اتاپ ءوتتى.
ء«بىز ءۇشىن بۇل راسىندا دا وتە ماڭىزدى. قالانىڭ ودان ءارى ءوسۋى, ەڭبەك ونىمدىلىگى, ءومىر ساپاسى مەن بيزنەس مۇمكىندىكتەرى بويىنشا الەمنىڭ 100 ۇزدىك قالاسىنىڭ قاتارىنا ەنۋ جونىندەگى ماقساتىمىزعا جەتۋ ءۇشىن بىزگە ەكونوميكانى ءارتاراپتاندىرۋ بويىنشا جۇمىستى جالعاستىرۋ قاجەت», دەدى قالا اكىمى.
ب. ساعىنتاەۆتىڭ ايتۋىنشا, وسى ماقساتتا قالا ەكونوميكاسىندا قۇرىلىمدىق مانەۆر جۇرگىزىلۋدە. بۇل – جاڭا ەكونوميكالىق ءوسۋدىڭ درايۆەرلەرىنە اينالاتىن تسيفرلاندىرۋدى, ءتۋريزمدى جانە كرەاتيۆتى يندۋستريالاردى دامىتۋ.
جوو رەكتورى دج. پاۋندەر الماتى اكىمى ب. ساعىنتاەۆقا ۋنيۆەرسيتەتتىڭ اشىلۋىنا قولداۋ كورسەتكەنى جانە جاعداي جاساعانى ءۇشىن العىس ايتتى. بۇل قازاقستاندا وقۋعا ليتسەنزيا العان جانە ۇزدىك ءبىلىم بەرۋ ستاندارتتارىن ەنگىزۋ ءۇشىن قۇرىلعان العاشقى شەتەلدىك ۋنيۆەرسيتەت. تۇلەكتەرگە ۇلىبريتانيانىڭ DMU لەستەر ۋنيۆەرسيتەتى دارەجەسى بەرىلەتىن بولادى.
باكالاۆرياتقا تۇسكەن العاشقى 145 ستۋدەنت قابىلداۋدان ويداعىداي ءوتتى. «بۋحگالتەرلىك ەسەپ جانە قارجى», «بيزنەس جانە ماركەتينگ», «ەكونوميكا جانە حالىقارالىق قاتىناستار», «بيزنەس-قۇقىق», «قارجى جانە ينۆەستيتسيالار» باعىتتارى بويىنشا ءبىلىم بەرۋ باعدارلامالارى قاراستىرىلعان. بۇدان باسقا, وقىتۋ باعدارلاماسىندا اقپاراتتى تەحنولوگيا, كرەاتيۆتى يندۋستريا ماماندىقتارى ينتەگراتسيالاناتىن بولادى. ال اتالعان باعىتتارعا الماتىنىڭ 2050 جىلعا دەيىنگى دامۋ ستراتەگياسىندا ەرەكشە كوڭىل بولىنەدى.
«دوڭگەلەك ۇستەل» بارىسىندا قازاقستاندىق جانە بريتاندىق تاراپتار قازاقستاننىڭ كرەاتيۆتى ەكونوميكا سەكتورىن دامىتۋ جانە ىنتىماقتاستىق مۇمكىندىكتەرىن تالقىلادى.
