اقتوبە وبلىستىق پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى جانە قر ءىىم ۇۇ ارنايى جاساعىنىڭ ساربازدارىمەن بىرگە «قاراسورا-2021» جەدەل ءىس-شاراسى بارىسىندا 47 جاستاعى ەر ادامدى ۇستادى. پوليتسەيلەر ۇستالعان ازاماتتىڭ اۆتوكولىگىنەن 3 كگ-دەن استام ماريحۋانا تاۋىپ, تاركىلەدى.
«ەر ادامنىڭ ەسىرتكىگە ەلىتكەن كۇيىندە ۇستالعانى ساراپتاما كەزىندە انىقتالدى. اتالعان فاكتى نەگىزىندە قىلمىستىق كودەكستىڭ «ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ» بابى بويىنشا تەرگەۋ باستالدى. وسى باپتىڭ سانكتسياسىندا بەس جىلدان ون جىلعا دەيiنگi مەرزiمگە باس بوستاندىعىنان ايىرۋ كوزدەلگەن. كۇدىكتى اقتوبە قالاسى پوليتسيا باسقارماسىنىڭ ۋاقىتشا ۇستاۋ يزولياتورىنا قامالدى», دەدى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.
