قاراعاندى قالاسى پوليتسيا باسقارماسىنىڭ ورتالىق پوليتسيا بولىمىنە ساۋدا كاسىپورىندارىنىڭ بىرىندە جانجال شىعىپ, قارۋ قولدانىلعانى تۋرالى حابارلاما كەلىپ ءتۇستى. وقيعا ورنىنا پاترۋلدىك پوليتسيا پولكىنىڭ جاساعى شىقتى.
وندا جشس-نىڭ 30 جاستاعى ديرەكتورى مەن ءبىر كىسى اراسىندا جانجال شىققانىن ايتتى. ەرەگىس بارىسىندا قاسكۇنەم «وسا» تراۆماتيكالىق تاپانشاسىنان وق اتقان. جاراقات العان ەر ادام مەديتسينالىق كومەككە جۇگىندى, بىراق اۋرۋحاناعا جاتقان جوق. پوليتسەيلەر 29 جاستاعى ەر ادامدى ءىزىن سۋىتپاي ۇستادى.
كۇدىكتى ءوز كىناسىن مويىندادى. تراۆماتيكالىق تاپانشا الىندى. قر قىلمىستىق كودەكسىنىڭ 287-بابىمەن («قارۋدى زاڭسىز ساقتاۋ نەمەسە ۇستاۋ») قىلمىستىق ءىس قوزعالعان. تەرگەۋ امالدارى جۇرگىزىلۋدە.
