«جۇرگىزۋشى كۋالىگىنەن ءۇمىتتى ازاماتتاردىڭ ورنىنا ەمتيحاندى ارنايى دايىندالعان تۇلعالار تاپسىرىپ وتىرعان. مىسالى, اقمولا وبلىسىندا ارنايى دايىندالعان ادامدار ەمتيحان كومپيۋتەرلەرىنە قاشىقتان قول جەتكىزىپ, بوگدە ازامتتاردىڭ اتىنان جاۋاپ بەرىپ وتىرعان. ال قوستاناي وبلىسىندا ارنايى دايىندالعان ادامدار مەديتسينالىق ماسكا مەن باس كيىمنىڭ كومەگىمەن بەت الپەتىن تۇمشالاۋ ارقىلى ەمتيحانعا وزگە ازاماتتاردىڭ ورنىنا كىرگەن. تەرگەۋ بارىسىندا 1 مىڭنان استام جۇرگىزۋشى كۋالىگىن زاڭسىز بەرۋ فاكتىلەرى تەكسەرىلىپ, ەمتيحاننان ءساتتى وتكەنى تۋرالى بەرىلگەن جالعان انىقتامالار قايتارىلدى», دەپ جازدى اگەنتتىكتىڭ ءباسپاسوز قىزمەتى.
اگەنتتىك وكىلدەرىنىڭ ايتۋىنشا, وسىنداي جالعان قۇجات ارقىلى جۇرگىزۋشى كۋالىگىن العان قوستانايلىق ازامات ناۋرىز ايىندا جول ەرەجەسىن ورەسكەل بۇزىپ, «Toyota سامrۋ» اۆتوكولىگىمەن سوقتىعىسقان.
«تەرگەۋ مالىمەتى بويىنشا, اپاتقا كىنالى تۇرعىن تەوريالىق جانە پراكتيكالىق ەمتيحان تاپسىرماي-اق جۇرگىزۋشى كۋالىگىن العان. ال بۇل جولى انىقتالعان زاڭسىزدىقتارعا بايلانىستى ەلدەگى مامانداندىرىلعان حقكو-نىڭ بارىندە تەكسەرۋ جۇرگىزىلەتىن بولادى», دەلىنگەن رەسمي مالىمەتتە.
