مىسالى, ىلە اۋدانىنداعى «بايسەركە-اگرو» سەرىكتەستىگىنىڭ ءسۇت فەرماسىنداعى جۇمىس تولىقتاي اۆتوماتتاندىرىلعان. مۇندا سيىردى ساۋ جۇمىسى روبوتتاندىرىلعان ستانسالاردا اتقارىلادى. فەرماداعى تابىن بويىنشا ورتاشا ساۋىم 6 133 كگ قۇرايدى, بۇل وبلىس بويىنشا ورتاشا كورسەتكىشتەن جوعارى, ول شامامەن 3 مىڭ كگ بولىپ وتىر. بۇدان باسقا سەرىكتەستىك ەگىستىكتەردە شارۋاشىلىق القاپتاردى قاشىقتان زوندتاۋ ءۇشىن درونداردى قولدانادى, ۇشۋ ناتيجەلەرى بويىنشا ونىڭ جاي كۇيى تۋرالى اقپارات الادى.
ال «ادال» اگروونەركاسىپتىك كومپانياسىندا تابىندى باسقارۋ كومپيۋتەرلىك باعدارلاما ارقىلى جۇزەگە اسىرىلادى. وسىنىڭ ارقاسىندا تابىننىڭ تەحنولوگيالىق توپتارىنىڭ كوبەيۋ پروتسەسى مەن قوزعالىسى تولىق باقىلانادى.
GREEN ECO جىلىجاي كەشەنىندە دە جوعارى تەحنولوگيالىق جابدىقتار قولدانىلادى. وندا وسىمدىكتەر ەرىتىندىدەن قاجەتتى قورەكتىك زاتتاردى قاجەتتى مولشەردە جانە ءدال پروپورتسيادا الادى. تەمپەراتۋرانى, ىلعالدىلىقتى جانە باسقا پارامەترلەردى باقىلاۋ اۆتوماتتى رەجىمدە جۇزەگە اسىرىلادى. بۇگىندە تامشىلاتىپ سۋارۋ 9,4 مىڭ گەكتارعا قولدانىلادى. 5 جىل ىشىندە اۋدان 2,3 ەسەدەن استام ءوستى. قازىرگى كەزدە ىلعال ۇنەمدەۋ تەحنولوگياسى 152 مىڭ گەكتارعا جۇرگىزىلەدى. ناتيجەسىندە جاڭا تەحنولوگيانى قولدانۋ دەڭگەيى 30 پايىزعا ارتىپ وتىر.
