فوتونى تۇسىرگەن: ەرلان ومار, «Egemen Qazaqstan»
«جازدا ادامداردىڭ كوپتەپ كەلۋى كەزەڭىندە ەگۋ پۋنكتتەرىن قالانىڭ 11 ساۋدا كەشەنىنە ورنالاستىردىق. بۇل وڭ ناتيجە بەردى جانە ءبىز ۆاكتسينامەن حالىقتى بارىنشا قامتىدىق. قازىرگى ۋاقىتتا ءبىز ۆاكتسينالاۋعا جاتاتىن كونتينگەنتتەن حالىقتىڭ باسىم بولىگىن قامتىعاندىقتان, ساۋدا كەشەندەرى بازاسىندا ەگۋ پۋنكتتەرىن ۇيىمداستىرۋدىڭ اسا قاجەتتىلىگى جوق. بىراق مۇنداي قاجەتتىلىك پايدا بولعان كەزدە ءبىز ارقاشان پۋنكتتەردى قايتادان اشۋعا دايىنبىز», دەدى قالالىق دەنساۋلىق ساقتاۋ باسقارماسى وكىلدەرى.
ەلوردادا بارلىق كەزەڭدە سوو, ساۋدا ۇيلەرى جانىنداعى ۆاكتسينالاۋ ايماقتارىندا 100 مىڭنان اسا ادام ۆاكتسينا الدى. بۇگىنگى تاڭدا قالاداعى 5 ساۋدا نۇكتەسىندە ەگۋ پۋنكتتەرى بار. ولار – «حان شاتىر» سوو, «كەرۋەن», «ابۋ دابي پلازا», «ازيا پارك» جانە «ەۆرازيا» ساۋدا ءۇيى.
جالپى قالا بويىنشا بۇگىندە ۆاكتسينانىڭ ءبىرىنشى كومپونەنتىن 444 مىڭنان اسا ازامات الدى, 410 مىڭنان اسا ادام تولىق يممۋنداۋدان ءوتتى.
باسقارما جالپىعا ورتاق ىستە ءوزىنىڭ ازاماتتىق ۇستانىمىن تانىتقان جانە ءوز اۋماقتارىندا ۆاكتسينالاۋ ايماقتارىن اشقان بارلىق ساۋدا كەشەندەرىنە ۇلكەن العىس بىلدىرەدى.
دەنساۋلىق ساقتاۋ مينيسترلىگىنىڭ مالىمەتىنە سۇيەنسەك, 1 قاراشاداعى مالىمەت بويىنشا قازاقستاندا ءبىرىنشى كومپونەنتپەن 8 300 105 ادام, ەكىنشى كومپونەنتپەن 7 500 328 ادام ۆاكتسينا سالدىردى. سونىمەن قاتار 46 492 ادام كوروناۆيرۋس ينفەكتسياسىنان ەمدەلۋدە, ولاردىڭ ىشىندە
8 412 پاتسيەنت ستاتسيوناردا, 38 080 ناۋقاس امبۋلاتورلىق دەڭگەيدە ەم قابىلداۋدا. ال 590 ادامنىڭ جاعدايى اۋىر, 149 پاتسيەنتتىڭ جاعدايى وتە اۋىر, 94 ناۋقاس ءوجج اپپاراتىندا جاتىر.
