«قازىرگى ۋاقىتتا مينيسترلىك مارتەبەسى رەتتەلمەگەن جانە جەكە باسىن كۋالاندىراتىن قۇجاتتارى جوق, ازاماتتىعى جوق 6 مىڭنان استام ادامعا كومەك كورسەتتى. جەكە كۋالىكپەن 5 مىڭعا جۋىق (4 969) ادام قۇجاتتالدى. ونىڭ ىشىندە 3357 ادام قر ازاماتى, 1612 ەش ازاماتتىعى جوق ادامعا قر ازاماتتىعى بەرىلدى», دەدى ءنۇردىلدا وراز ىشكى ىستەر مينيسترلىگى ۇيىمداستىراتىن اپتالىق بريفينگىدە.
رەسمي وكىلدىڭ ايتۋىنشا, تاعى 1357 ادامعا قاتىستى ازاماتتىقتى راستاۋ ءراسىمى اياتالۋعا جاقىن.
«ىشكى ىستەر مينيسترلىگى ەلىمىزدەگى ازاماتتىعى جوق ادامداردىڭ ماسەلەسىن تۇپكىلىكتى شەشۋگە ۇمتىلىستى ەسكەرىپ, مارتەبەسى رەتتەلمەگەن جانە جەكە باسىن كۋالاندىراتىن قۇجاتى جوق ادامداردى انىقتاۋ اكتسياسىن 2022 جىلدىڭ مامىرىنا دەيىن ۇزارتۋ تۋرالى شەشىم قابىلدادى», دەدى ءنۇردىلدا وراز.
