«اقش پرەزيدەنتى دجو بايدەن گەرمانيا كانتسلەرى انگەلا مەركەلمەن كەزدەسۋدە «سولتۇستىك اعىن - 2» قۇبىرىنىڭ قۇرىلىسىنا بايلانىستى ۋكرايناعا بەرىلگەن ۋادەلەردى ورىنداۋ قاجەتتىلىگى تۋرالى ايتتى», دەپ حابارلادى اق ءۇي.
«پرەزيدەنت بايدەن رەسەي تابيعي گازدى وزىنە ءتيىمدى ساياسي ماقساتتاردا باسقارا المايتىندىعىنا كەپىلدىك بەرۋ, ۋكراينانىڭ جانە ەۋروپالىق ەنەرگەتيكالىق قاۋىپسىزدىكتى قولداۋ ءۇشىن اقش پەن گەرمانيانىڭ بىرلەسكەن مالىمدەمەسىن ودان ءارى جۇزەگە اسىرۋدىڭ ماڭىزدىلىعىن اتاپ ءوتتى», دەلىنگەن ءباسپاسوز حابارلاماسىندا.
سانكتسيالار ارقىلى «سولتۇستىك اعىن – 2» قۇرىلىسىن توقتاتۋعا تىرىسۋدان باس تارتىپ, اقش گەرمانيامەن ۋكراينانىڭ ەنەرگەتيكالىق تاۋەلسىزدىگىن ساقتاۋ نيەتى تۋرالى مالىمدەمە تاراتتى. بۇل ەۋروپاعا بالاما جەتكىزىلىم باعىتى ەنگىزىلگەننەن كەيىن رەسەي گازىنىڭ ترانزيتىنەن قاراجات جوعالتۋى مۇمكىن.
رەسەي بيلىگى ساياسي مۇددە اياسىندا «سولتۇستىك اعىن – 2» تۋرالى ايتۋدى توقتاتۋعا شاقىردى. «بۇل بارلىق تاراپقا پايدالى كوممەرتسيالىق جوبا ەكەنى ءسوزسىز» دەيدى رەسەي بيلىگى. بۇل كوزقاراستى گەرمانيا بيلىگى دە ۇستانىپ وتىر.
بايدەن ريمدەگى G20 ءسامميتىنىڭ الاڭىندا قىزمەتىمەن قوشتاسقالى وتىرعان مەركەلمەن اۋعانستانداعى جاعدايدى تالقىلادى جانە 35 مىڭ اۋعان بوسقىندارىن اقش-قا كوشۋگە دايىندىق كەزىندە قابىلداۋعا كەلىسكەنى ءۇشىن العىس ايتتى.
