اقپارات جانە قوعامدىق دامۋ مينيسترلىگى ازاماتتىق قوعام ىستەرى كوميتەتىنىڭ توراعاسى ماديار قوجاحمەتتىڭ قاتىسۋىمەن كەزەكتى جوسپارلى ارنايى الاڭ ۇيىمداستىردى. قىزۋ پىكىرتالاس بارىسىندا اۋىلدىق ۇەۇ دامىتۋ بويىنشا ءوز ۇسىنىستارىن اقتوبە وبلىسىنىڭ ۇەۇ قاۋىمداستىعىنىڭ پرەزيدەنتى ايگۇل دۇيسەنوۆا, «جايدارلى» ۇەۇ ءتورايىمى يلاشوۆا نابيا, جانىبەك اۋدانىنىڭ ارداگەرلەر كەڭەسىنىڭ توراعاسى امانگەلدى ۋاليەۆ جانە باسقالار ءبىلدىردى.
مەملەكەتتىك الەۋمەتتىك تاپسىرىس ءۇشىن دەمپينگتى جويۋ, مەملەكەتتىك الەۋمەتتىك تاپسىرىس كونكۋرستارىنا قاتىسۋ ءۇشىن ۇەۇ-عا وڭىرلىك شەكتەۋلەر بەلگىلەۋ, وڭىرلىك گرانتتىق جوبالاردىڭ بولماۋى, سونداي-اق جەرگىلىكتى قوعامداستىقتىڭ پروبلەمالارىن شەشۋگە باعىتتالعان مەملەكەتتىك الەۋمەتتىك تاپسىرىس سانىنىڭ جەتكىلىكسىزدىگى تۋرالى ماسەلەلەر كوتەرىلدى.
ايتا كەتەيىك, بارلىق ۇسىنىستار مەملەكەت باسشىسىنىڭ قازاقستان حالقىنا جولداۋىن ىسكە اسىرۋ اياسىندا اۋىلدىق جەرلەردە ازاماتتىق باستامالاردى قولداۋ تەتىگىن ازىرلەۋ بولىگىندە ەسكەرىلەتىن بولادى.
