دەلەگاتسيا قۇرامىندا بارعان ى.التىنسارين اتىنداعى ۇلتتىق ءبىلىم اكادەمياسىنىڭ پرەزيدەنتى عاني بەيسەمباەۆ «ىنتىماقتاستىق كوكجيەگى – بولاشاققا باستار جول» تاقىرىبىندا بايانداما جاسادى. ول پاندەميا كەزىندە تسيفرلىق ءبىلىم بەرۋدەگى شەتەلدىك جانە وتاندىق تاجىريبەلەر مەن قازاقستاندا وقۋشىلاردىڭ بىلىمىندەگى ولقىلىقتاردىڭ ورنىن تولتىرۋ بويىنشا جۇرگىزىلىپ جاتقان شارالار, سونداي-اق ءبىلىم الۋشىلاردىڭ بويىندا زاماناۋي داعدىلاردى قالىپتاستىرۋ ءۇشىن مەكتەپ باعدارلاماسىنا ەنگىزىلگەن «جاھاندىق قۇزىرەتتىلىكتەر» كۋرسى تۋرالى مالىمدەدى.
ونىڭ ايتۋىنشا, قازىرگى ۋاقىتتا «تسيفرلى مۇعالىم» جوباسىن ەنگىزۋ جانە وقۋ پروتسەسىندە VR/AR-تەحنولوگيالاردى پايدالانۋ بويىنشا زەرتتەۋلەر جۇرگىزىلۋدە.
سونىمەن قاتار اكادەميا ءبىلىم بەرۋ جۇيەسىن دامىتۋدىڭ وزەكتى پروبلەمالارى, اتاپ ايتقاندا وقۋشىلاردىڭ ءبىلىم ساپاسىن ارتتىرۋ, ءبىلىم بەرۋ مازمۇنىنىڭ ساباقتاستىعىن قامتاماسىز ەتۋ, يننوۆاتسيالىق ينفراقۇرىلىم جانە ت.ب. بويىنشا زەرتتەۋلەردى جالعاستىرۋدا.
حالىقارالىق سەزگە تمد ەلدەرىنىڭ ءبىلىم مينيسترلىكتەرى مەن ۇيىمدارىنىڭ باسشىلارى, ءبىلىم سالاسىنىڭ قىزمەتكەرلەرى قاتىستى.
ايتا كەتسەك, 2022 جىلى تمد-عا قاتىسۋشى مەملەكەتتەردىڭ مۇعالىمدەرى مەن ءبىلىم بەرۋ سالاسى قىزمەتكەرلەرىنىڭ VII سەزى قازاقستاندا وتەدى.
