ايماقتار • 28 قازان، 2021

سقو-دا ورتەنگەن ۇيدەن 15 ادام ەۆاكۋاتسيالاندى

49 رەت كورسەتىلدى

پەتروپاۆلدا بەس قاباتتى تۇرعىن ءۇيدىڭ بالكونىنان ءورت شىعىپ، ءورت سوندىرۋشىلەر ءبىر ادامدى قۇتقارىپ، 15 ادامدى قاۋىپسىز جەرگە شىعارۋعا تۋرا كەلدى، دەپ حابارلايدى Egemen.kz.

چايكوۆسكي كوشەسىندەگى 13-ۇيدە ەكى بالكوننىڭ جانىپ جاتقاندىعى تۋرالى حابارلاما 101 نومىرىنە ساعات 14.06-دا تۇسكەن. وقيعا ورنىنا جەتكەن ءورت سوندىرۋشىلەر الدىمەن كوك تۇتىنگە ورانعان پاتەردەن 51 جاستاعى ەر ادامدى اۆتوساتىنىڭ كومەگىمەن الىپ شىقتى.

سونداي-اق تاعى 15 تۇرعىندى، سونىڭ ىشىندە 4 بالانى قاۋىپسىز جەرگە شىعاردى.

ء«ورت ءۇيدىڭ 3-قاباتىنداعى بالكوننان شىعىپ، ۇستىڭگى قاباتتىڭ بالكونىنا اۋىسقان. الدىن الا بولجام بويىنشا، ءورتتىڭ شىعۋىنا سوندىرىلمەگەن تەمەكى تۇقىلى سەبەپ بولۋى مۇمكىن. قۇتقارىلعان ەر ادام ماس بولدى»،  دەيدى پەتروپاۆل قالالىق № 3 ءورت ءسوندىرۋ ءبولىمى باستىعىنىڭ ورىنباسارى ەرنار رۇستەم.

جالىنمەن كۇرەسكە 6 تەحنيكا جانە 25 ادام جۇمىلدىرىلىپ، 20 مينۋتتىڭ ىشىندە تولىق ءسوندىرىلدى. قۇتقارىلعان ەر ادامنىڭ ايتۋىنشا، پاتەردى بىرنەشە ادام جالداپ تۇرادى. استانالىق بريگادا پەتروپاۆلدا قۇرىلىس نىسانىندا جۇمىس ىستەيدى. 

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار