سەناتوردىڭ ايتۋىنشا, جالپى ىشكى ءونىمنىڭ قۇرامىنداعى وتاندىق تاۋار وندىرۋشىلەردىڭ ۇلەسى شامامەن 30 پايىزدى قۇرايدى, ال ازىق-ت ۇلىكتىڭ 70%-ى ەلگە يمپورتتالادى, بۇل باعانىڭ وسۋىنە ىقپال ەتپەي قويمايدى.
دەپۋتات ۇلتتىق ستاتيستيكا بيۋروسىنىڭ 2021 جىلدىڭ باسىنان باستاپ ءسابىز 45%-عا, كارتوپ 38,5%-عا, كۇنباعىس مايى 16,7%-عا, پياز 10,9%-عا جانە قانت 9,2%-عا قىمباتتاعانى تۋرالى دەرەكتەرىمەن ءبولىستى.
«ۇكىمەت باعانى ەكى تاسىلمەن تۇراقتاندىرۋعا تىرىسىپ جاتىر, بىراق ايتارلىقتاي ناتيجە جوق. ءبىرىنشىسى – 6 پايىزبەن كاسىپكەرلەرگە نەسيە بەرۋ ارقىلى. بىراق وعان كوپ كاسىپكەرلەردىڭ جانە شارۋا قوجالىقتارىنىڭ قولى جەتپەي وتىر. ەكىنشىسى – ازىق-ت ۇلىكتى تومەندەتىلگەن باعامەن ساتاتىن الەۋمەتتىك دۇكەندەر ارقىلى. بۇل دۇكەندەردىڭ سانى از, ىشكى نارىقتى تولىعىمەن قامتاماسىز ەتە المايدى. سوندىقتان دا بۇل تاسىلدەر نارىقتاعى باعاعا كوپ اسەرىن تيگىزە الماي وتىر. سوندىقتان ۇكىمەت ەڭ الدىمەن الەۋمەتتىك ماڭىزى بار تاۋارلارعا قاتىستى شەكتى باعانى بەكىتىپ, وكىلەتتى ورگان باعانىڭ وزگەرۋىن قاتاڭ تۇردە باقىلاۋى ءتيىس», دەدى دەپۋتات.
باۋىرجان قانيەۆ, سونداي-اق, سەناتتىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتى مەملەكەت باسشىسىنىڭ جولداۋىن ىسكە اسىرۋ اياسىندا كوتەرمە ساۋدا ورتالىقتارى جەلىسىن دامىتۋ جانە باعا بەلگىلەۋدى جەتىلدىرۋ ماسەلەلەرى بويىنشا ۋاكىلەتتى مەملەكەتتىك ورگاندارمەن جانە مۇددەلى ۇيىمدارمەن كەزدەسۋ وتكىزگەنىن اتاپ ءوتتى. كەزدەسۋ قورىتىندىسى بويىنشا ارنايى ازىرلەنگەن ۇسىنىستار ۇكىمەتتىڭ اتىنا جولداندى.
