قازاقستان • 28 قازان، 2021

قازبسقا-نىڭ قۇرمەتتى پرەزيدەنتى ءامىرلان قۇسايىنوۆ كوز جۇمدى

95 رەت كورسەتىلدى

قازبسقا-نىڭ قۇرمەتتى پرەزيدەنتى، حالىقارالىق ءبىلىم بەرۋ كورپوراتسياسى ديرەكتورلار كەڭەسىنىڭ توراعاسى ءامىرلان قۇسايىنوۆ كوز جۇمدى، دەپ حابارلايدى Egemen.kz.

27-ءشى قازاندا قازبسقا-نىڭ قۇرمەتتى پرەزيدەنتى، قاۋ نەگىزىن قالاۋشى، پروفەسسور ءامىرلان قۇسايىنوۆ قايتىس بولدى.

«قازبسقا مەن قاۋ ۇجىمى كورنەكتى باسشى، عالىم، پروگرەسسيۆتى جاڭاشىل پەداگوگ ءامىرلان ايداربەك ۇلى قۇسايىنوۆتىڭ مەزگىلسىز قايتىس بولۋىنا بايلانىستى تۋعان-تۋىستارىنا، جاقىندارىنا، ارىپتەستەرىنە كوڭىل ايتادى»، دەلىنگەن قازبسقا ءباسپاسوز قىزمەتىنىڭ حابارلاماسىندا.

29 قازان حالىقارالىق ءبىلىم بەرۋ كورپوراتسياسىندا ازا تۇتۋ كۇنى دەپ جاريالاندى.

ءامىرلان قۇسايىنوۆ 1957 جىلى 25 قىركۇيەكتە الماتى قالاسىندا دۇنيەگە كەلگەن.

1979 جىلى ماسكەۋلىك ميسي پگس فاكۋلتەتىن ينجەنەر-قۇرىلىسشى ماماندىعى بويىنشا ۇزدىك ءبىتىردى.

ەڭبەك جولىن 1983 جىلى الماتى ساۋلەت-قۇرىلىس ينستيتۋتىندا باستاپ، «قۇرىلىس مەحانيكاسى» كافەدراسىنىڭ اعا عىلىمي قىزمەتكەرى، اسسيستەنتى، دوتسەنتى بولىپ جۇمىس ىستەدى. سونىمەن قاتار ول «قۇرىلىس مەحانيكاسى» كافەدراسىنىڭ مەڭگەرۋشىسى، قازبسقا عىلىمي-ادىستەمەلىك جۇمىس جونىندەگى پرورەكتورى بولىپ جۇمىس ىستەدى. قازاق مەملەكەتتىك ساۋلەت-قۇرىلىس اكادەمياسىنىڭ رەكتورى بولدى. 2002 جىلدان باستاپ قازبسقا پرەزيدەنتى بولدى. ال 2020 جىلى قازبسقا-نىڭ قۇرمەتتى پرەزيدەنتى اتاندى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار