ءنوۆوسىبىر قالاسىندا وتكەن باسەكەدە ەكى كوماندا ابدەن تىرەستى. ءبىرىنشى كەزەڭنىڭ وزىندە ءتورت شايبا قاقپا تورىنان تابىلدى. ءبىر ايتا كەتەرلىگى, بۇل گولداردىڭ بارلىعى دا 13 پەن 20-مينۋتتار ارالىعىندا سوعىلدى. العاشىندا دەنيس گولۋبەۆ ەسەپ اشتى – 0:1. ءبىراز ۋاقىتتان سوڭ دميتري گۋركوۆ تارازى باسىن تەڭەستىردى – 1:1. سوڭعى مينۋتتاردا نيكولاي دەميدوۆ پەن كەرتيس ۆولك ءبىر-ءبىر رەتتەن مەرگەندىك تانىتتى – 2:2. ەكىنشى كەزەڭدە دە جەڭىمپاز انىقتالعان جوق. 24-مينۋتتا ۆولك دۋبل اۆتورى اتانسا, 35-مينۋتتا ەگور ميلوۆزوروۆ نىسانانى ءدال كوزدەدى – 3:3. ءۇشىنشى كەزەڭ مەن قوسىمشا ۋاقىتتا تابلوداعى ەسەپ وزگەرگەن جوق. ال بۋلليت سوعۋ بارىسىندا ء«سيبيردىڭ» اسىعى الشىسىنان ءتۇستى.
بيىلعى ماۋسىمدا جەڭىلىستەن باس كوتەرمەي كەلە جاتقان «بارىستىڭ» جاعدايى كۇننەن-كۇنگە كۇردەلەنە تۇسۋدە. قازىرگى كەزدە جەرلەستەرىمىزدىڭ قورجىنىندا نەبارى 19 ۇپاي بار.
