قازاقستان • 27 قازان، 2021

شەتەلدەگى قازاقتىلدى باق اسسوتسياتسياسىنىڭ توراعاسى تاعايىندالدى

18 رەت كورسەتىلدى

بۇگىن شەتەلدەگى قازاقتىلدى بۇقارالىق اقپارات قۇرالدارىنىڭ باسىن بىرىكتىرگەن اسسوتسياتسيا قۇرىلدى. اتالعان ۇيىمنىڭ توراعاسى بولىپ قر پارلامەنتى سەناتىنىڭ دەپۋتاتى، قوعام قايراتكەرى نۇرتورە ءجۇسىپ تاعايىندالدى، دەپ حابارلايدى Egemen.kz.

«سىرتتاعى قانداستارىمىزدىڭ اۋىزبىرشىلگىنىڭ بەرىك بولۋىنا «وتانداستار» قورىنىڭ قوسىپ جاتقان ۇلەسى زور. بۇگىنگى قاۋىمداستىقتىڭ قۇرىلۋى – سونىڭ دالەلى. بۇل باستامانى ەرتەرەك قولعا الۋ كەرەك ەدى، دەگەنمەن يگى ءىستىڭ ەرتە-كەشى جوق. جاڭا شەتەلدەگى باۋىرلارىمىزدى تىڭداپ، باسقا جاقتا بولسا دا وتانعا دەگەن ىڭكارلىگىن سەزىپ وتىرمىز. الداعى ۋاقىتتا جاڭادان قۇرىلىپ وتىرعان شەتەلدەگى قازاقتىلدى باق قاۋىمداستىعىنىڭ جۇمىسىنىڭ ىلگەرىلەۋىنە ءبارىمىز ءبىراۋىزدان اتسالىسساق دەيمىن. مىسالى، كورشى رەسەيدە قازاقشا باق-تار وتە بەلسەندى جۇمىس ىستەيدى. ولار جىل سايىن سوچي جانە باسقا دا قالالاردا باس قوسىپ، ءوزارا تاجىريبە الماسىپ جاتادى. ءتۇرلى فورۋم، جيىندار وتكىزىپ تۇرادى. ول جەردە قانداستارىمىز ءوز ماسەلەلەرىن ورتاعا سالىپ، سونىڭ شەشىمىن ىزدەيدى. وسى باعىتتاعى جۇمىستى باسقا ەلدەردە دە دامىتۋ قاجەت. الدا ءبىزدى ءبىراز شارۋا كۇتىپ تۇر، باستامامىز ءساتتى بولسىن»،  دەدى نۇرتورە ءجۇسىپ ءوز سوزىندە.

سوڭعى جاڭالىقتار

ۇقساس جاڭالىقتار